U Rasii vyniesieny prysud pasynku viadomaha artysta — jon zabiŭ rodnuju babulu i brata
Mužčyna zabiŭ małatkom svaju 85‑hadovuju babulu i zarezaŭ 30‑hadovaha brata ŭ padmaskoŭnym domie try hady tamu.
Jak piša kanał «Ostorožno, novosti», Raman Tkačenka, pasynak Stasa Namina, pryznany vinavatym u padvojnym zabojstvie.
U kastryčniku 2023 hoda jon zabiŭ babulu małatkom praz reŭnaść da małodšaha brata Arcioma. Jon pryjechaŭ da jaje ź siabram, babula stała čytać marali, tamu što jaho brat «byŭ značna bolš paśpiachovym», a sam mužčyna byŭ zaležny ad narkotykaŭ.
Kali siabar źjechaŭ, a babula zasnuła, Raman zabiŭ žančynu małatkom. Paśla hetaha mužčyna patelefanavaŭ bratu Arciomu i paprasiŭ jaho pryjechać. Paśla praciahłaj pahoni pa domie jon zarezaŭ brata i patelefanavaŭ maci, kab va ŭsim pryznacca.
Padčas sprečak bakoŭ abarona abvinavačanaha sprabavała dakazać, što ŭ momant zabojstva mužčyna byŭ u stanie afiektu. Ale prakuratura paličyła nieabhruntavanymi hetyja dovady.
Jaho prysudzili da 18 hadoŭ kałonii strohaha režymu.
U apošnim słovie pryjomny syn rok-muzyki kajaŭsia: «Vialikaje pakarańnie ŭśviedamlać, što ja heta ździejśniŭ. Ja ščyra lubiŭ babulu i Arcioma. Babula mianie vychavała. Ja vychoŭvaŭ Arcioma. Nie mahu sabie ŭjavić, jak takoje zdaryłasia».
Paśla hetaha Tkačenka ŭpaŭ na kaleni pierad maci i zarydaŭ.
Adnosiny padsudnaha z ajčymam — Stasam Naminym — zaŭsiody byli chałodnymi, jany abodva heta adznačali. Viadomy rok-muzyka prachodzić paciarpiełym pa spravie, pišuć rasijskija kanały.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary