Halivudski akcior Džon Travołta, viadomy pa roli ŭ «Kryminalnym čytvie», uraziŭ svaim vyhladam na Kanskim kinafiestyvali. Mnohija adznačajuć, što jon dobra vyhladaje dla svaich 72 hadoŭ — staŭ bolš padciahnutym i maładžavym.
Travołta byŭ apranuty ŭ čorny kaścium-trojku ź biełaj kašulaj i halštukam, a na hałavie — bieły bieret.
Na fotasiesii da svajho novaha filma Travołta źjaviŭsia va ŭsim čornym i taksama ŭ bierecie.
Džon Travołta atrymaŭ u Kanach hanarovuju Załatuju palmavuju halinu za ŭkład u kiniematohraf. Travołta byŭ uzrušany hetaj niečakanaściu. «Poŭny siurpryz!» — skazaŭ jon. — «Ja nie mahu ŭ heta pavieryć».
U Kany jon pryjechaŭ pradstavić pryhodnicki film «Prapieler: načny rejs u adzin kaniec» (Propeller One-Way Night Coach) — heta režysiorski debiut Travołty. Film źniaty pry padtrymcy Apple i zasnavany na adnajmiennaj dziciačaj knizie akciora 1997 hoda. Pa siužecie juny avijaamatar Džef i jaho maci adpraŭlajucca ŭ pieralot praz usiu krainu ŭ Halivud, jaki źmianiaje ich žyćcio. U filmie taksama zdymajecca dačka Travołty, 26‑hadovaja Eła Blu Travołta. Stužka vyjdzie na stryminhu Apple TV 29 maja.
Kamientary
———
Va ŭsich čatyroch skazach zapar užyć słova «Travołta» j nie znajści jamu zamienu? Vy surjozna?! Mabyć tak, raz prykormlenyja chamiački ŭsio schamiačać. I jašče mnie nastaviać dyzaŭ, što psuju im apetyt svaimi hetkimi «niaznačnymi» zaŭvažkami. 😂