Tur zaklikaje rychtavacca da vajny, tamu što «Jeŭrasajuz nie zdasca na litaść sajuza troch impieryj»
«Łukašenka dakładna viedaje pra situacyju ŭ śviecie i rehijonie bolš za ŭsich razam uziatych. Viedaje ŭ tym liku tamu, što tolki jon siabruje i z Pucinym, i ź Si Czińpinam, i z Trampam», — pierakonvaje łukašenkaŭski prapahandyst.
U čarhovym vypusku svajho prajekta «Prapahanda» Ihar Tur zapeŭnivaŭ hledačoŭ u tym, što siońnia asnoŭnyja hulcy na suśvietnaj arenie — Maskva, Piekin i Vašynhton — šukajuć šlachi da kampramisu, i Minsk aktyŭna spryjaje hetamu dyjałohu.
«Zdavałasia b, Biełaruś u vyjhryšy, ale Alaksandr Łukašenka nastojvaje, što Jeŭropa pavinna być jašče adnym słupom suśvietnaha paradku, tamu što čym bolš słupoŭ, tym, vidavočna, bolš ustojlivaja ŭsia kanstrukcyja», — davodzić Tur.
Adnak, pa słovach prapahandysta, tut uźnikaje surjoznaja prablema:
«Prosta tak Jeŭrasajuz nie zdasca navat na litaść sajuza troch impieryj, a budzie abaraniacca da apošniaha i lubymi mietadami, kab vyžyć, uklučajučy vajennyja».
Pa słovach Tura, mienavita ź Jeŭropy ŭ Biełarusi «ryzyki i pahrozy, jakija ŭzrastajuć».
«I kali kiraŭnik dziaržavy kaža «treba być hatovymi da vajny», treba rychtavacca — i vajskoŭcam, i ŭsim u ekanomicy, niachaj i «choć by nie było vajny», —
davodzić prapahandyst i zhadvaje niadaŭniuju naradu Łukašenki, na jakoj toj chvaliŭsia, što za piać hadoŭ udzielnaja vaha sučasnych uzoraŭ uzbrajeńnia vyrasła da 45%, a dola tych, što štohod abnaŭlajucca, — da 2%.
Źviarnuŭ uvahu Tur i na sustreču Łukašenki ź ministram abarony Viktaram Chreninym, jakaja adbyłasia na druhi dzień paśla narady.
«Havaryli ab kamandnym składzie ŭ biełaruskaj armii i vysnovach z raptoŭnaj pravierki bojehatoŭnaści. (…) Chto spraviŭsia z kamandziraŭ i aficeraŭ — małajcy, chto nie hatovy — ich, miarkujučy pa ŭsim, buduć mianiać», —
prakamientavaŭ vyniki razmovy Tur i dadaŭ, što matyvacyju dla pryniaćcia rašeńnia nie zaŭsiody Łukašenka moža publična ahučyć, «ale jon dakładna viedaje ab situacyi ŭ śviecie i rehijonie bolš za ŭsich razam uziatych. Viedaje ŭ tym liku tamu, što tolki jon siabruje i z Pucinym, i ź Si Czińpinam, i z Trampam».
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie6
Kamientary