Pad Barysavam miadźviedzica naradziła ažno čatyroch miedźviedzianiat. Heta vielmi redki vypadak
U Biełarusi zafiksavali vielmi redki vypadak: buraja miadźviedzica naradziła adrazu čatyroch dzicianiat, što ličycca sapraŭdnym rekordam. Pra heta paviedamiła Biełaruskaje tavarystva palaŭničych i rybałovaŭ. Vypadak adbyŭsia ŭ Barysaŭskaj palaŭničaj haspadarcy.
Na videa, jakoje źjaviłasia ŭ siecivie, vidać, jak miadźviedzica nočču pierachodzić darohu, a za joj iduć čaćviora miedźviedzianiat. Miarkujecca, što im užo niekalki miesiacaŭ.
Zvyčajna buraja miadźviedzica naradžaje adnaho abo dvuch, radziej troch dzicianiat. Tamu źjaŭleńnie adrazu čatyroch — vialikaja redkaść.
Miedźviedzianiaty naradžajucca zimoj, padčas śpiački, prykładna ŭ studzieni—lutym. Jany źjaŭlajucca na śviet vielmi maleńkimi, ślapymi i biezdapamožnymi, važać usiaho kala 400—750 hramaŭ. Tamu jašče z vosieni samka staranna rychtuje i ŭciaplaje biarłohu, kab małyja mahli vyžyć.
Miadźviedzicy nie prynosiać patomstva kožny hod — zvyčajna pamiž naradžeńniami prachodzić dva-try hady.
Pavodle danych Ministerstva sielskaj haspadarki, u lasach Biełarusi moža žyć da tysiačy miadźviedziaŭ, i ich papulacyja pastupova pavialičvajecca. Śpiecyjalisty adznačajuć, što biełaruskija miadźviedzi zvyčajna nie ahresiŭnyja: užo šmat hadoŭ nie było vypadkaŭ źjaŭleńnia tak zvanych «šatunoŭ» (miadźviedziaŭ, jakija nie ŭpali ŭ śpiačku i mohuć być niebiaśpiečnymi).
«Niešta ŭ hryby sioleta raschaciełasia». Pad Barysavam na poli pabačyli adrazu piać miadźviedziaŭ
Troje miadźviedziaŭ dureli na poli ŭ Vilejskim rajonie
Litoŭskija pamiežniki pakazali, jak kala miažy ź Biełaruśsiu raku pierapłyvaje miadźviedź VIDEA
Troch miadźviedziaŭ sustreli kala darohi ŭ Vilejskim rajonie
Miadźviedź užo tydzień abkradaje pčalara pad Šumilinam
Ciapier čytajuć
Łatvija «pa techničnych pryčynach» zakryła miažu ź Biełaruśsiu9
Kamientary
Navat miadźviedzi ŭ nas pamiarkoŭnyja!)