Litoŭskija pamiežniki pakazali, jak kala miažy ź Biełaruśsiu raku pierapłyvaje miadźviedź VIDEA
Na miažy Litvy ź Biełaruśsiu litoŭskija pamiežniki zaŭvažyli miadźviedzia, jaki spakojna chadziŭ kala dziaržaŭnaj miažy ŭ Ihnalinskim rajonie.
Žyviolinu zafiksavali supracoŭniki zastavy Ćvierač pry dapamozie sistemy nazirańnia. Miadźviedź źjaviŭsia kala samaj miažy ŭ miescy, dzie raka Dzisna z terytoryi Litvy ciače ŭ Biełaruś. U hetym rajonie miaža prachodzić pa siaredzinie raki.
Spačatku źvier išoŭ uzdoŭž fizičnaha barjera, ustalavanaha ź litoŭskaha boku. Potym jon ahledzieŭsia kala mosta praź Dzisnu, jakim karystajucca pamiežniki padčas patrulavańnia.
Paśla hetaha miadźviedź spakojna pajšoŭ uhłyb Litvy. Pobač ź im pa patrulnaj darozie prajechaŭ słužbovy pazadarožnik pamiežnikaŭ, ale žyviolina amal nie spałochałasia.
Nieŭzabavie miadźviedź pierapłyŭ raku, pierasiok patrulny šlach i źnik u lasach krainy.
Akramia hetaha vypadku, za apošnija sutki miadźviedziaŭ bačyli taksama supracoŭniki hetaj ža i susiedniaj pamiežnych zastaŭ. Pakul nieviadoma, ci heta byŭ adzin i toj ža źvier.
Litoŭskija pamiežniki adznačajuć, što na 679‑kiłamietrovaj miažy ź Biełaruśsiu miadźviedziaŭ zaŭvažajuć užo nie ŭpieršyniu.
Miadźviedź užo tydzień abkradaje pčalara pad Šumilinam
Ryś, jakaja hulaje, miadźviedź i fłaminha na fonie pravadoŭ. Za kaho hałasavali hledačy na konkursie «Fatohraf dzikaj pryrody hoda»
Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
U minułym hodzie ŭ Biełarusi palaŭničyja zastrelili 39 miadźviedziaŭ
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary