Na darohach Biełarusi sioleta vyprabujuć kanadski skotaprahon ad dzikich žyvioł
U Hrodzienskaj vobłaści na trasie M-6 bližej da vosieni płanujuć vyprabavać kanadski skotaprahon — śpiecyjalnuju kanstrukcyju, jakaja nie daje bujnym dzikim žyviołam vychodzić na darohu. Takija ŭčastki chočuć zrabić u troch miescach.
Hałoŭnaja asablivaść skotaprahonu ŭ tym, što jon nie pieraškadžaje ruchu transpartu, viełasipiedystaŭ i piešachodaŭ, ale zatrymlivaje žyvioł. Z-za asablivaj kanstrukcyi — časta ŭ vyhladzie mietaličnaj rašotki — bujnyja źviary nie mohuć nastupać na takuju pavierchniu i tamu nie iduć dalej.
Mašyna moža spakojna prajechać źvierchu, čałaviek — pierajści, a voś bujnaja žyvioła, naprykład łoś abo kazula, iści pa takim miescy nie choča, bo pavierchnia dla jaje niazručnaja.
Hetuju mieru chočuć vykarystać tam, dzie aharadžalnaja sietka pieraryvajecca — naprykład, kala źjezdaŭ na lasnyja darohi abo ŭ nasielenyja punkty. Mienavita ŭ takich miescach žyvioły mohuć vychodzić na trasu.
U Biełarusi taksama ŭžo amal dva hady idzie ekśpierymient z «razumnym» pierachodam dla dzikich žyvioł na M-10 u Homielskaj vobłaści. Tam datčyki fiksujuć źjaŭleńnie źviera pobač z darohaj i padajuć sihnał na darožnyja znaki, kab papiaredzić kiroŭcaŭ.
Pavodle aficyjnych źviestak, u 2025 hodzie ŭ Biełarusi zafiksavali amal 5 tysiač DTZ ź dzikimi žyviołami. U 2026‑m kolkaść takich zdareńniaŭ raście. Čaściej za ŭsio ŭ avaryjach hinuć kazuli — kala 70% usich vypadkaŭ, u 20% — łasi.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary
Ci možna jašče pahuhlić "Cattle grid", kali cikava jak vyhladaje.
Kapytami pa takomu nie pachodziš, bo pravalvaješsia. Dla bydła ŭ asnoŭnym, kab nie raźbiahałasia.
Lasniki, miascovyja žychary, ci inšyja brakańjery, toje "miasa" dastajuć i robiać barbiekiu z łasiaciny. Pad łasiacinu ṕjuć miascovyj viski (samahonku) i piajuć viasiołyja žartounyja pieśni-prypieuki.