Pry ŭdary pa AZS kala Kryvoha Roha zahinuła siamja, u Zaparožžy za noč i dzień — dvoje zahinułych i bolš za 40 paranienych.
U Dnieprapiatroŭskaj vobłaści ŭ vyniku rasijskaha ŭdaru pa aŭtazapravačnaj stancyi kala Kryvoha Roha zahinuła siamja z troch čałaviek. Pra heta paviedamiŭ kiraŭnik abłasnoj vajskovaj administracyi Alaksandr Hanža.
Achviarami ataki stali 41‑hadovy mužčyna, jaho 40‑hadovaja žonka i ich vaśmihadovy syn. Paśla traplańnia na terytoryi AZS uspychnuŭ pažar. Taksama byli paškodžanyja sama zapraŭka i aŭtamabili.
Jašče adna aŭtazapravačnaja stancyja paciarpieła ŭ Zaparožžy. Pavodle miascovych uładaŭ, tam atrymali ranieńni try čałavieki.
U noč na 3 žniŭnia i ranicaj rasijskija vojski nanieśli pa Zaparožskim rajonie ŭdary kiravanymi avijabombami. Abstreły praciahnulisia i ŭdzień. Pavodle kiraŭnika Zaparožskaj abłasnoj vajskovaj administracyi Ivana Fiodarava, tolki za paŭtary hadziny pa horadzie i vakolicach było skinuta vosiem kiravanych avijabombaŭ.
U vyniku atak za niadzielu i paniadziełak u Zaparožžy i rajonie zahinuli dva čałavieki, jašče bolš za 40 atrymali ranieńni. Siarod paciarpiełych — dvoje dziaciej.
U pasiołku Navatroickaje kala Zaparožža adna z avijabombaŭ razburyła pryvatnyja damy i vyklikała pažary. Zahinuŭ 77‑hadovy mužčyna, 85‑hadovaja žančyna atrymała ranieńni.
Pavodle źviestak abłasnoj administracyi, za minułyja sutki rasijskija vojski nanieśli 1083 udary pa 49 nasielenych punktach Zaparožskaj vobłaści. Dla atak vykarystoŭvalisia 790 bieśpiłotnikaŭ roznych typaŭ, a taksama inšyja vidy ŭzbrajeńnia.
U vyniku abstrełaŭ u adnym z rajonaŭ zaharelisia bałkon šmatpaviarchovaha doma i dva aŭtamabili. Vybuchovaja chvala paškodziła susiednija budynki i 12 mašyn. U inšym miescy ŭdaru byli paškodžanyja składskija pamiaškańni.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary