U Hrodnie pačaŭ pracu novy sartavalny centr markietpłejsa Ozon płoščaj 2,55 tysiačy kvadratnych mietraŭ. Jaho adkryćcio, jak zajaŭlajecca, pavinna paskoryć dastaŭku zakazaŭ kupcam i adhruzku tavaraŭ pradaŭcoŭ u zachodnich rehijonach Biełarusi, piša Office Life.
U centry buduć sartavać i apracoŭvać zakazy, a taksama zajmacca viartańniem tavaraŭ. Na pieršym etapie jon zmoža apracoŭvać da 20 tysiač zakazaŭ za sutki, abo bolš za 600 tysiač štomiesiac. Da śniežnia kampanija płanuje pavialičyć mahutnaść da 55 tysiač zakazaŭ u sutki.
U Ozon adznačyli, što nieabchodnaść adkryćcia novaha abjekta źviazanaja z chutkim rostam popytu. U druhim kvartale 2026 hoda žychary Biełarusi aformili na markietpłejsie bolš čym utraja bolš zakazaŭ, čym za taki ž pieryjad minułaha hoda. Dziakujučy novamu centru kupcy i pradaŭcy zachodniaj častki krainy atrymajuć takija ž mahčymaści pa chutkaści dastaŭki i adhruzki, jak i ŭ Minsku.
Novy kompleks adpaviadaje sučasnym patrabavańniam składskoj łahistyki. Jon abstalavany hidraŭličnymi pahruzačnymi płatformami i sučasnymi kanstrukcyjami, što dazvalaje bolš efiektyŭna i bieśpierabojna apracoŭvać tavary.
Raniej łahistyčnaja sietka Ozon u Biełarusi ŭklučała łahistyčny chab u Minsku i sartavalnyja centry ŭ Oršy i Baranavičach.
Rasijskaja kampanija pracuje na biełaruskim rynku z 2021 hoda. U 2025 hodzie jana pieršaj siarod markietpłejsaŭ u Biełarusi ŭviała ŭ ekspłuatacyju aŭtamatyzavany 3D-sartavalnik, jaki pavysiŭ chutkaść i dakładnaść apracoŭki zakazaŭ. Taksama aktyŭna pašyrajecca sietka punktaŭ vydačy: u druhim kvartale 2026 hoda ich kolkaść pavialičyłasia bolš čym u paŭtara raza ŭ paraŭnańni z anałahičnym pieryjadam minułaha hoda. Abarot placoŭki za hety čas vyras bolš čym udvaja, a kolkaść aktyŭnych kupcoŭ — na 51 pracent.
Finansavyja pakazčyki kampanii taksama praciahvajuć raści. U druhim kvartale 2026 hoda čysty prybytak Ozon pavialičyŭsia ŭ try razy ŭ paraŭnańni ź minułym hodam, a abarot markietpłejsa ŭ Biełarusi raście amal udvaja chutčej, čym hod tamu.
Adzin z najbujniejšych vytvorcaŭ zbroi va Ukrainie nazvaŭ metu ŭdaraŭ pa Wildberries
Uładalnika kampanii-pradaŭca na Wildberries i Ozon asudzili pa palityčnaj kryminałcy
«Jandeks Markiet» i Ozon paśla ŭdaraŭ pa składach Wildberries taksama źniali ź siabie adkaznaść za straty tavaraŭ pry atakach
Čamu Ukraina ŭdaryła pa składach Wildberries i jak usiudyisny markietpłejs źviazany z rasijskaj armijaj
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary