Słałamny kanał pad Minskam, jaki doŭhi čas vykarystoŭvaŭsia tolki epizadyčna, ciapier zapoŭnieny vadoj i budzie pracavać jak minimum usio leta. Pra heta paviedamili ŭ «Minskvodakanale». Pry hetym uzrovień vady ŭ kanale moža źmianiacca ŭ zaležnaści ad patreb pradpryjemstvaŭ, bo heta nie tolki spartyŭny, ale i techničny abjekt, piša Times.by.
Hety kanał — častka Vilejska-Minskaj vodnaj sistemy. Jaho pabudavali ŭ 1981 hodzie dla praviadzieńnia spabornictvaŭ pa viaślarnym słałamie. Na toj čas padobnyja abjekty byli redkaściu: u Jeŭropie isnavaŭ tolki adzin anałah — u Miunchienie, dzie pierad tym u 1972 hodzie prajšli Alimpijskija hulni.
U savieckija časy kanał rehularna vykarystoŭvaŭsia dla spabornictvaŭ, ale paśla 1991 hoda pastajannuju padaču vady spynili, i jon pracavaŭ tolki čas ad času.
Ciapier zapusk kanała maje techničnuju pryčynu, ale pry hetym jon staŭ papularnym miescam dla adpačynku. Ź siaredziny maja siudy pačali masava pryjazdžać ludzi: adnyja — kab zrabić fota, inšyja — kab pasprabavać spłaŭ na sapbordach, bajdarkach abo nievialikich łodkach. Niekatoryja naviedvalniki adznačajuć, što płyń dastatkova mocnaja i daje adčuvańni, padobnyja da sapraŭdnaha ekstrymu.
Razam z tym śpiecyjalisty papiaredžvajuć, što kanał zastajecca pramysłovym abjektam, a nie aficyjnaj zonaj dla kupańnia ci sportu. Tut niama štrafaŭ za spłaŭ, ale isnujuć ryzyki: chutkaść i ŭzrovień vady mohuć raptoŭna źmianicca, a kamiennyja pieraškody mohuć pryvieści da traŭmaŭ. Tamu ludziej zaklikajuć być aściarožnymi i nie niedaaceńvać niebiaśpieku.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary