Ivan Kačajła amal 20 hadoŭ pracavaŭ u adździele sudova-miedycynskich ekśpiertyz u Mazyry. Ciapier jaho adpravili na chimiju.
Ivanu Kačajłu 50 hadoŭ. Jon rodam z Žytkavičaŭ. Paśla škoły skončyŭ Homielski mieduniviersitet.
Z 2005 hoda Kačajła pracavaŭ u Dziaržaŭnym kamitecie sudovych ekśpiertyz, dzie daros da pasady načalnika adździeła miedycynskich ekśpiertyz Mazyrskaha mižrajonnaha adździeła. Hetuju pasadu jon pakinuŭ u studzieni 2024 hoda, paśla čaho ŭładkavaŭsia ŭ Homielskaje abłasnoje patałahičnaje biuro.
U 2013 hodzie ŭ razmovie z žurnalistami Kačajła raskazvaŭ, što ŭ jaho pracy «niama sensu dziela imhniennaj vyhady iści na ździełku z sumleńniem». «Złyja i durnyja ludzi nidzie nie patrebnyja, a ŭ nas jany asabliva nie da miesca», — kazaŭ tady Kačajła. Jon ličyć, što hałoŭnaje ŭ žyćci — układacca ŭ siamju i bierahčy zdaroŭje.
Ivana Kačajłu asudzili naprykancy 2025 hoda. Jaho pryznali vinavatym pavodle častak 1 i 2 artykuła 361‑4 Kryminalnaha kodeksa («sadziejničańnie ekstremisckaj dziejnaści»). Imavierna, prysud źviazany sa spravaj Hajuna.
Ivanu prysudzili čatyry hady chimii. Jon užo pačaŭ adbyvać pakarańnie.
«Naša Niva» — bastyjon biełaruščyny
PADTRYMAĆ
Kamientary
[Zredahavana]