Desantnika, jakoha pryznavali najlepšym kamandziram uzvoda śpiecnaza, asudzili pa palityčnaj kryminałcy
U Breście vynieśli prysud 29‑hadovamu Maksimu Dudarhu. Jašče niadaŭna jon byŭ elitaj vojska i pieramahaŭ u spabornictvach desantnikaŭ, a ciapier apynuŭsia za kratami za palityku.
Maksimu Dudarhu 29 hadoŭ. Chłopiec rodam z Łuninca. Usio svajo darosłaje žyćcio jon pryśviaciŭ sportu i vajskovaj słužbie. Jašče ŭ 2015 hodzie Maksim biehaŭ marafony i paŭmarafony ŭ składzie kłuba «Viktoryja».
Paźniej słužyŭ u 38‑j asobnaj desantna-šturmavoj bryhadzie ŭ Breście. U lutym 2020 hoda dziaržaŭnyja ŚMI pisali pra jaho jak pra ŭzornaha aficera: «hvardyi staršy lejtenant Dudarha staŭ najlepšym kamandziram desantnaha ŭzvoda sił śpiecyjalnych apieracyj pa vynikach spabornictvaŭ pa palavoj vyvučcy».
Padobna, što jon dasłužyŭsia da kapitana — prynamsi tak jaho paźniej padpisvali ŭ zapisnych knižkach, «kapitan Dudarha».
Maksim zajmaŭsia rovarnym sportam, udzielničaŭ u viełaprabiehach kłuba «ViełaBrest» i navat padpracoŭvaŭ kiroŭcam, voziačy spadarožnikaŭ pa maršrucie Minsk — Brest — Łuniniec.
Niezrazumieła, ci pracavaŭ Dudarha u śpiecnazie dahetul, ci ŭžo zvolniŭsia.
Brescki abłasny sud pakaraŭ jaho pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Zvyčajna pa hetym artykule ciapier sudziać pa spravie Hajuna.
Prysud Dudarhi dakładna nieviadomy, ale heta chimija z nakiravańniem ci kałonija.
«Naša Niva» — bastyjon biełaruščyny
PADTRYMAĆFizika ź Instytuta jadziernych prablem asudzili za palityku. Jon raspracoŭvaŭ madeli supierkałajdaraŭ i pierakładaŭ Ubuntu na biełaruskuju
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Byłoha zienitčyka z Babrujska asudzili za palityku. Jon aktyŭny viernik-baptyst
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro10
Kamientary