Zatrymanamu ŭ Polščy za špijanaž hramadzianinu Biełarusi 42 hady. Pra heta paviedamiŭ na bryfinhu pres-sakratar ministra-kaardynatara śpiecsłužbaŭ Jacek Dabžynski, piša Reform.news.
Siońnia ranicaj Ahienctva ŭnutranaj biaśpieki (ABW) i Nacyjanalnaja prakuratura Polščy prainfarmavali pra zatrymańnie 9 lutaha hramadzianina Biełarusi Paŭła T.
Jamu pradjaŭlena abvinavačańnie ŭ špijanažy na karyść biełaruskaj vajennaj raźviedki. Jon aryštavany sudom na try miesiacy.
«Supracoŭniki Ahienctva ŭnutranaj biaśpieki zatrymali 42‑hadovaha biełarusa. Akazałasia, što biełarus źjaŭlajecca typovym sučasnym špijonam. Jon špijoniŭ u Polščy, a taksama ŭ Litvie i Hiermanii. Hety aryšt staŭ mahčymym dziakujučy supracoŭnictvu polskich śpiecsłužbaŭ, a mienavita Ahienctva ŭnutranaj biaśpieki, a taksama Litvy i Hiermanii, što nadzvyčaj važna. Abmien infarmacyjaj, vopytam i viedami pa dadzienym pytańni pryvioŭ da aryštu hetaha 42‑hadovaha biełarusa ŭ Polščy, u Varšavie. Vyśvietliłasia, što jon źbiraŭ infarmacyju pra važnyja i stratehičnyja miescy ŭ Polščy, Litvie i Hiermanii. Jon apracoŭvaŭ, zapisvaŭ i pieradavaŭ jaje svaim kiraŭnikam u Biełarusi i Rasii. U apošni čas rasijskija i biełaruskija śpiecsłužby stali vielmi aktyŭnymi, i dla efiektyŭnaj baraćby ź imi vielmi važny abmien infarmacyjaj pamiž śpiecsłužbami», — skazaŭ Dabžynski.
Pavodle jaho słoŭ, u ABW užo jość 92 padazravanyja ŭ špijanažy i sabatažy. Heta hramadzianie Rasii, Biełarusi, Ukrainy i Polščy.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary