«Pryjeduć bieź viz, jak u 1945-m»: Miadviedzieŭ pryhraziŭ ES vajennym uvarvańniem
Zastupnik staršyni Rady biaśpieki RF Dźmitryj Miadviedzieŭ rezka adreahavaŭ na inicyjatyvu vysokaj pradstaŭnicy Jeŭrapiejskaha sajuza Kai Kałas zabaranić ujezd rasijskim vajskoŭcam u Šenhien.
U svaim paviedamleńni ŭ sacyjalnych sietkach jon nazvaŭ Kałas «błandzinistym pacukom» i zajaviŭ, što rasijskija vajennyja «mohuć uvajści bieź viz, kali zachočuć — jak u 1812 ci 1945 hadach», vykazvajučy iraničnaje staŭleńnie da namieraŭ Jeŭrasajuza.
Zajava Miadviedzieva źjaviłasia ŭ toj ža dzień, kali ŭ ES razhladali novyja sankcyi suprać Rasii. Raniej vysokaja pradstaŭnica ES Kaja Kałas paviedamiła, što razam ź Jeŭrakamisijaj pracujuć nad miechanizmam, jaki nie dazvolić sotniam tysiač byłych rasijskich vajskoŭcaŭ svabodna ŭjazdžać u Šenhienskuju zonu.
«My nie chočam, kab vajennyja złačyncy i dyviersanty pierasoŭvalisia našymi vulicami», — padkreśliła jana.
Kamientary