U minskim kanfiskacie pradajuć redki dla Jeŭropy Nissan, dy jašče i z pravym rulom. Kolki prosiać?
Heta adziny taki aŭtamabil u prodažy na ŭsiu Biełaruś.
U Minsku na placoŭcy aŭtakanfiskata źjaviŭsia Nissan Skyline 1992 hoda vypusku. Heta lehiendarnaje japonskaje kupe, jakoje šanujuć aŭtaamatary va ŭsim śviecie, navat z ulikam taho, što mašyna vypuskałasia vyklučna sa styrnom z pravaha boku.
Pad kapotam u jaho bienzinavy ruchavik abjomam 2,5 litra i mahutnaściu 280 k. s. Zajaŭleny prabieh — 192 tysiačy kiłamietraŭ.
Pa fota padkapotnaj prastory zrazumieła, što ŭ mašynie pravodziłasia ekśpiertyza. Jaje ślady bačnyja jak na samim VIN-numary, tak i na paneli, na jakoj jon znachodzicca.
Uvohule mašyna nie ŭ samym lepšym stanie. Na kapocie abłazić łakafarbavaje pakryćcio, pavarotnik ź levaha boku trymajecca na skotčy. Z-pad zadniaj šyby vyłazić klej. Dy i inšych drobnych defiektaŭ chapaje.
Rul, jaki staić u niezvyčnym dla nas miescy, taksama nie pieršaj śviežaści, u paneli nie chapaje niekatorych elemientaŭ.
Prosiać za redkaha pravarulnaha japonca 27 648 rubloŭ, što składaje kala $9 713. Heta startavy košt aŭtamabila. Aŭkcyjon pa prodažy adbudziecca 25 lutaha.
Dla daviedki: u Biełarusi aŭto z rulom «na miescy bardačka» dazvalali stavić na ŭlik tolki da 10 žniŭnia 2002 hoda. Paśla hetaj daty impart takich mašyn nie zabaranili, ale dla pastanoŭki na ŭlik treba spačatku pierastavić rul na levy bok, prajści ekśpiertyzu ŭ BNTU i tolki paśla hetaha iści ŭ DAI.
-
Minskaja błohierka zmahajecca za toje, kab «Jandeks» zvolniŭ žančynu-kiroŭcu biznes-taksi. Taja ŭ adkaz padała zajavu ŭ milicyju
-
Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
-
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
Kamientary
[Zredahavana]