«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
Historyk Alaksandr Paškievič u siabie ŭ fejsbuku adreahavaŭ na kamientary pres-sakratarki Alaksandra Łukašenki adnosna insultu Mikałaja Statkieviča.
«Dla pačatku chaču nahadać, što rašeńnie ab pamiłavańni Mikałaja Statkieviča prezident pryniaŭ užo daŭno. Ale tady jechać u «rajski sad» Statkievič admoviŭsia. I — viarnuŭsia ŭ turmu», — skazała Natalla Ejsmant.
Treba razumieć — viarnuŭsia bieź nijakaha novaha suda i prysudu i biez admieny pamiłavańnia. I ciapier novaha pamiłavańnia, zdajecca, nie vydavali, a jak by dziejničaje ŭsio toje ž samaje, vieraśnioŭskaje. Adno što tolki ciapier nie vierasień, a luty, i hetyja piać miesiacaŭ pamiłavany pravioŭ nie na svabodzie, a ŭ turmie. Na jakoj padstavie? Na padstavie «časam nie da zakonaŭ».
Cikava na hetym fonie hladzicca druhaja navina:
«Alaksandr Łukašenka ŭvioŭ abaviazkovy adziny kvalifikacyjny ekzamien dla tych, chto ŭpieršyniu pastupaje na dziaržaŭnuju cyvilnuju słužbu. Testavańnie praduhledžvaje pravierku viedańnia Kanstytucyi Biełarusi, a taksama inšych asnoŭnych zakanadaŭčych aktaŭ, jakija pavinny viedać usie dziaržaŭnyja słužboŭcy».
I voś pytańnie — a nafiha dziaržaŭnym słužboŭcam usio heta viedać (asabliva Kanstytucyju), kali ŭsio adno kraina žyvie nie pa zakonach, a pa paniaćciach?
Ale zatoje paniaćci jakija humannyja. Kali ŭ Statkieviča zdaryŭsia insult, to: «Prezidentu pra heta dałažyli. I kiraŭnikom dziaržavy było pryniata rašeńnie ab jaho nieadkładnym pieravodzie ŭ balnicu, dzie była zabiaśpiečanaja ŭsia nieabchodnaja i svoječasovaja dapamoha — jaho vyratavali».
Jakaja miłata, praŭda? To-bok kali ŭ źniavolenaha ŭ turmie zdarajecca insult, to pieravod u balnicu, nieabchodnaja i svoječasovaja dapamoha jamu nie pałožanyja — dla hetaha treba śpiarša kamuści dałažyć i toj chtości pavinien pryniać rašeńnie, ratavać čałavieka ci nie ratavać? A pakul nie atrymajuć vysačajšaje rasparadžeńnie, lekary siadziać i čakajuć?
Usie hetyja vierbalnyja sproby stvaryć vobraz «samaha čałaviečnaha čałavieka» tolki jašče bolš padkreślivajuć krajniuju nialudskaść stvoranaj im sistemy. I tamu, jak u tym rekłamnym słohanie, navat dla karyści ich čornaj spravy ŭžo lepš žavać, čym havaryć.
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
-
Sieviaryniec: U administracyi SIZA pierakošvała tvary ad adnoj zhadki proźvišča Cichanoŭskaha
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary
1. Niezakonnyje vodvorienije čiełovieka v kakoje-libo pomieŝienije (inoje miesto) libo udieržanije v niem, śviazyvanije čiełovieka ili inoje vospriepiatstvovanije vozmožnosti pokinuť miesto nachoždienija pri otsutstvii priznakov dołžnostnoho ili druhoho boleje tiažkoho priestuplenija (niezakonnoje lišienije svobody) –
nakazyvajutsia ohraničienijem svobody na srok do piati let ili lišienijem svobody na tot žie srok so štrafom ili biez štrafa.
2. Niezakonnoje lišienije svobody, sovieršiennoje sposobom, opasnym dla žiźni ili zdorov́ja potierpievšieho, libo soprovoždavšiejesia mučienijami, –
nakazyvajetsia lišienijem svobody na srok ot piati do vośmi let.