Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi
Prezident Ukrainy Uładzimir Zialenski ŭ intervju «Lusterku» raskazaŭ ab praviadzieńni śpiecyjalnych apieracyj, nakiravanych na niejtralizacyju rasijskaj vajskovaj infrastruktury na terytoryi Biełarusi.
Zialenski nie staŭ udavacca ŭ detali, ale, jak vynikaje ź jaho słoŭ, ukrainskija siły zrabili tak, kab spynić pracu niekalkich retranślataraŭ na terytoryi Biełarusi, što vykarystoŭvajucca rasijanami dla kaardynacyi pracy dronaŭ.
«Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi. U nas prosta niama inšaha vyjścia, inakš buduć dalejšyja ataki na našuju ziamlu», — skazaŭ Zialenski.
Jon taksama dadaŭ, što paśla praviadzieńnia hetych mierapryjemstvaŭ kolkaść pavietranych atak z boku Biełarusi značna skaraciłasia.
U śniežni 2025 hoda Zialenski ŭpieršyniu zajaviŭ, što, sa źviestak ukrainskaj vyviedki, abstalavańnie, jakoje vykarystoŭvajecca va ŭdarach suprać Ukrainy, raźmiaščajecca ŭ nasielenych punktach Biełarusi, u tym liku na žyłych damach.
«Faktyčna na dachach zvyčajnych 5‑paviarchovikaŭ raźmieščanyja anteny i inšaje abstalavańnie, jakoje dapamahaje navodzić šachiedy na abjekty ŭ našych zachodnich rehijonach. Heta absalutnaje abiasceńvańnie čałaviečaha žyćcia, i važna, kab u Minsku pierastali z hetym hulać», — skazaŭ jon.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary