«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ
Prezident Ukrainy Uładzimir Zialenski pravioŭ pasiadžeńnie Staŭki, całkam pryśviečanaje pytańniam dronaŭ. Pa vynikach sustrečy jon vystupiŭ z rezkaj zajavaj u bok aficyjnaha Minska.
«Pierš za ŭsio fiksujem, što rasijanie sprabujuć abychodzić našy achoŭnyja pazicyi pierachopnikaŭ praz terytoryju susiedniaj Biełarusi. Heta ryzykoŭna dla Biełarusi. My bačym kroki z «Arešnikam», ciapier — z dapamohaj šachiedaŭ. Škada, što Biełaruś zdaje svoj suvierenitet na karyść rasijskich ahresiŭnych ambicyj», — skazaŭ Zialenski.
Pavodle jahonych słoŭ, sa źviestak ukrainskaj vyviedki, abstalavańnie, što vykarystoŭvajecca va ŭdarach suprać Ukrainy, u nasielenych punktach Biełarusi pobač ź miažoj raźmiaščajecca ŭ tym liku na žyłych damach.
«Faktyčna na dachach zvyčajnych 5‑paviarchovikaŭ raźmieščany anteny i inšaje abstalavańnie, jakoje dapamahaje navodzić šachiedy na abjekty ŭ našych zachodnich rehijonach. Heta absalutnaja abiasceńvańnie čałaviečaha žyćcia, i važna, kab u Minsku pierastali z hetym hulać. Prainfarmujem partnioraŭ i budziem rychtavać supolnyja adkazy», — skazaŭ jon.
Siońnia Zialenski ŭžo zajaŭlaŭ, što Rasija abychodzić miežy ŭkrainskaj SPA dziakujučy Biełarusi. Jon dadaŭ, što Ukraina adkaža na heta.
-
Mišuścin: Cana hazu dla stran JEAES nie pieravyšaje 200 dalaraŭ za 1000 kubamietraŭ
-
Cichanoŭski łajknuŭ kamient «U Volnaj Biełarusi Cichanoŭskaja budzie siadzieć za svaje złačynstvy»
-
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h4
Kamientary
Vyhladaje jak hazifikacyja łužyny ŭnutranami hazami .