Šeść krain uklučna z Ukrainaj zapuściać vytvorčaść dronaŭ-pierachopnikaŭ, jakija stvorać na miažy z Rasijaj i Biełaruśsiu pavietrany mur
Hety krok staŭ adkazam najbujniejšych dziaržaŭ Jeŭropy na rasijski impieryjalizm i amierykanskuju nieadnaznačnaść. Pieršaja pradukcyja maje źjavicca da pačatku 2027 hoda.
Drony buduć vypraboŭvać «na ŭkrainskich palihonach» — heta značyć, u realnych bajach. Stvarać ich buduć na asnovie ŭkrainskich raspracovak apošniaha času.
«Hrupa piaci ministraŭ abarony, u jakuju ŭvachodziać krainy z najbolšymi vajskovymi vydatkami — Francyja, Hiermanija, Italija, Polšča i Vialikabrytanija, — 20 lutaha na sustrečy ŭ Krakavie paviedamiła, što zapuskaje inicyjatyvu pad nazvaj «Tannyja efiektary i aŭtanomnyja płatformy» (Low-Cost Effectors and Autonomous Platforms, abo LEAP).
«Razam my vałodajem adnym z najlepšych u śviecie arsienałaŭ dla źniščeńnia pavietranych pahroz. My ŭpeŭnienyja, što heta samy pieršy krok u tym, što, jak my spadziajomsia, stanie cełaj sieryjaj inicyjatyŭ», — cytuje słovy namieśnika ministra abarony Vialikabrytanii Luka Połarda vydańnie Politico.
Pavodle słoŭ Połarda, prahrama pa bieśpiłotnikach «źjaŭlajecca sihnałam dla abaronnaj pramysłovaści kožnaj ź piaci krain adkazać na hety vyklik».
Jak adznačaje vydańnie, inicyjatyva adlustroŭvaje rost zakłapočanaści nakont abarony jeŭrapiejskaj pavietranaj prastory paśla šerahu incydentaŭ u niebie krain NATA letaś — ad palotaŭ rasijskich źniščalnikaŭ nad Estonijaj da praniknieńnia hrup dronaŭ u pavietranuju prastoru Polščy.
Choć NATA i niejtralizuje pahrozy, ale rakiety, vykarystańnie jakich kaštuje miljony dalaraŭ, źbivajuć drony, jakija kaštujuć kapiejki.
«Zadača ŭ tym, kab efiektyŭna źbivać adnosna tannyja rakiety, drony i inšyja pahrozy. My pavinny suadnosić košt pahrozy z koštam srodkaŭ abarony», — skazaŭ Połard žurnalistam.
Pavodle słoŭ namieśnika ministra abarony Vialikabrytanii, inicyjatyva ŭ śfiery bieśpiłotnych sistem praduhledžvaje novyja «šmatmiljonnyja» finansavyja abaviazacielstvy z boku piaci krain. Najpierš jana skiravanaja na raspracoŭku i vytvorčaść tak zvanych efiektaraŭ dla supraćdziejańnia bieśpiłotnikam.
U vajskovaj terminałohii «efiektary» — heta elemienty ŭzbrajeńnia, jakija niepasredna ŭździejničajuć na cel i zabiaśpiečvajuć jaje paražeńnie: naprykład, rakiety, kinietyčnyja pierachopniki abo bajavyja častki z vybuchoŭkaj. «Aŭtanomnyja płatformy», u svaju čarhu, — heta bieśpiłotnyja sistemy, zdolnyja dziejničać samastojna, u tym liku prymać rašeńni biez pastajannaha ŭdziełu čałavieka.
Takim čynam, asnoŭnaja ideja inicyjatyvy zaklučajecca ŭ stvareńni adnosna niedarahich alternatyŭ kłasičnym zienitna-rakietnym kompleksam i bajavoj avijacyi, vykarystańnie jakich suprać dronaŭ časta akazvajecca ekanamična nieapraŭdanym.
Jak adznačaje Reuters, hetaja inicyjatyva źjaviłasia ŭ čas, kali jeŭrapiejskija lidary pracujuć nad umacavańniem abaranazdolnaści na fonie rostu sumnievaŭ na kantyniencie adnosna hatoŭnaści Vašynhtona zabiaśpiečvać jaho abaronu.
Sa spasyłkaj na asobnuju zajavu ŭrada Vialikabrytanii Reuters paviedamlaje, što pieršy prajekt u miežach inicyjatyvy «Tannyja efiektary i aŭtanomnyja płatformy» budzie realizavany da 2027 hoda.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić27
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna66
Kamientary
"mur" --- heta ściana, ALE Z KAMIENIU, CI CEHŁY!!!!!!!
Niemieckije drony HX-2 ot Helsing prodiemonstrirovali nizkuju točnosť v bojevych usłovijach v Ukrainie iz-za riada tiechničieskich problem. Ob etom soobŝajet Welt.
Sohłasno ukrainskomu dokumientu, kotoryj był pieriedan Minoborony Hiermanii, vo vriemia 14 primienienij dronov HX-2 v Ukrainie, ciel była poražiena tolko v 5 słučajach. Iz etoho vychodit, čto točnosť poražienija sostaviła vsieho 35,7%.
Žurnalisty vyjaśnili, čto problema nizkoj točnosti nosiła sistiemnyj charaktier. V častnosti, była zafiksirovana niestabilnaja pieriedača vidieo, ohraničiennyje vozmožnosti zachvata cielej i žiestkaja siensornaja tiechnołohija upravlenija.