Spadarožnikavyja zdymki paćvierdzili surjoznyja razbureńni na Votkinskim zavodzie, dzie robiać «Iskandery»
Ukrainski OSINT-prajekt CyberBoroshno apublikavaŭ dokazy paśpiachovaj ataki USU na stratehičnaje abaronnaje pradpryjemstva va Udmurtyi, jakoje vyrablaje rakiety «Iskander-M», «Topal-M» i «Arešnik». Spadarožnikavyja zdymki zafiksavali vializnuju dzirku pamieram prykładna 30 na 24 mietry ŭ dachu adnaho z klučavych karpusoŭ zavoda.
Udar, naniesieny 21 lutaha rakietami FP-5 «Fłaminha», pryjšoŭsia na korpus №19 — halvana-štampovačny cech.
Analiz razbureńniaŭ pakazvaje, što vybuch adbyŭsia ŭnutry budynka, što mahło pryvieści da poŭnaha vypalvańnia ŭnutranych płoščaŭ.
Značnaść hetaha ŭdaru abumoŭlena rolaj cecha ŭ vytvorčym łancužku. Mienavita na hetym učastku ažyćciaŭlajucca pracesy štampoŭki i farmoŭki mietału, vyrab korpusnych elemientaŭ rakiet, a taksama halvaničnaja apracoŭka detalaŭ — naniasieńnie abarončych pakryćciaŭ i padrychtoŭka pavierchniaŭ da zborki.
Paškodžańnie takoha abstalavańnia moža istotna zapavolić vypusk hatovych rakietnych kompleksaŭ.
Votkinski zavod źjaŭlajecca adnym z najvažniejšych pradpryjemstvaŭ rasijskaha VPK i znachodzicca pad mižnarodnymi sankcyjami ZŠA, ES, Vialikabrytanii i inšych krain.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary