Na čale pa-raniejšamu Volha Čuprys.
Alaksandr Łukašenka padpisaŭ ukaz №62 ad 20 lutaha, jakim unios źmieny ŭ skład kamisii pa pytańniach pamiłavańnia i vyzvaleńnia ad kryminalnaj adkaznaści.
Što źmianiłasia ŭ składzie kamisii
Ukazam byli vyviedzieny sa składu: sudździa Kanstytucyjnaha suda Tadevuš Varanovič, a taksama Siarhiej Siviec (apošni — jak piersanalny člen). Ale adnačasova Siviec uvajšoŭ u skład kamisii jak ciapierašni staršynia Kanstytucyjnaha suda. Takim čynam, Siarhiej Siviec zastajecca ŭ kamisii, ale ŭžo ŭ novym statusie.
Poŭny skład Kamisii pa pytańniach pamiłavańnia
Pryznačanyja členy kamisii
- Čuprys Volha Ivanaŭna — namieśnica kiraŭnika Administracyi Łukašenki. Staršynia kamisii.
- Lančeŭskaja Maryna Alaksandraŭna — deputatka Pałaty pradstaŭnikoŭ. Namieśnik staršyni.
- Ciščanka Žanna Viktaraŭna — načalnica ŭpraŭleńnia ŭ Administracyi Łukašenki. Namieśnik staršyni kamisii.
- Makaryna-Kibak Ludmiła Eduardaŭna — dyrektar Instytuta hienietyki i cytałohii NAN Biełarusi.
- Michałkova Ludmiła Ściapanaŭna — zasłužany juryst Biełarusi.
- Novikava Kaciaryna Viktaraŭna — zahadčyk kafiedry sudovaj dziejnaści Instytuta pierapadrychtoŭki i pavyšeńnia kvalifikacyi sudździaŭ, rabotnikaŭ prakuratury, sudoŭ i ŭstanoŭ justycyi Biełaruskaha dziaržaŭnaha ŭniviersiteta.
- Čarapica Vadzim Valerjevič — staršynia Hrodzienskaj abłasnoj kalehii advakataŭ.
Členy kamisii, jakija zajmajuć vyznačanyja pasady
- Staršynia Kanstytucyjnaha suda: Siviec Siarhiej Michajłavič.
- Staršynia Viarchoŭnaha suda: Švied Andrej Iosifavič.
- Hienieralny prakuror: Hara Dźmitryj Jurjevič.
- Staršynia Śledčaha kamiteta: Byčak Kanstancin Fiodaravič.
- Ministr unutranych spraŭ: Kubrakoŭ Ivan Uładzimiravič.
- Ministr justycyi: Kavalenka Jaŭhien Iosifavič.
- Staršynia Kamiteta dziaržaŭnaj biaśpieki: Cierciel Ivan Stanisłavavič.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie3
Kamientary