Kim byŭ El Mienča, samy šukany narkabaron Mieksiki, jakoha zabili ŭčora ŭ chodzie śpiecapieracyi ŭ štacie Chaliska

Viadomy jak El Mienča, 59‑hadovy Asiehiera Siervantes byŭ kiraŭnikom kartela «Novaje pakaleńnie Chaliska» (CJNG), adnoj z samych žorstkich i šmatlikich złačynnych arhanizacyj u Mieksicy, pryznanaj u pačatku minułaha hoda ŭradam ZŠA terarystyčnaj arhanizacyjaj. Asiehiera Siervantes byŭ adnym z samych razšukvanych narkabaronaŭ u Mieksicy i ZŠA.

U 2020 hodzie Upraŭleńnie pa baraćbie z narkotykami ZŠA ŭklučyła El Mienčoa ŭ śpis samych razšukvanych złačyncaŭ. Z taho času za infarmacyju, jakaja dapamoža zatrymać jaho, była abvieščana ŭznaharoda ŭ pamiery 15 młn dalaraŭ.

A ciapierašni ŭrad Donalda Trampa ŭklučyŭ CJNG u śpis terarystyčnych arhanizacyj, ź jakimi jon maje namier zmahacca na amierykanskim kantyniencie.

Rašeńnie Biełaha doma źmianiła padychod amierykanskich ahientaŭ da rasśledavańnia spraŭ, źviazanych z kartelami, pakolki raniej im davodziłasia dakazvać najaŭnaść pahrozy dla hramadzian ZŠA, a ciapier lubaja suviaź z hetaj hrupoŭkaj užo źjaŭlajecca padstavaj dla rasśledavańnia.

El Mienča i CJNG

Paśla aryštu i ekstradycyi ŭ ZŠA Chaakina «El Čapa» Husmana ŭ 2017 hodzie nastupnaj bujnoj metaj mieksikanskich sił pa baraćbie z narkotykami staŭ Asiehiera Siervantes.

Jon taksama viadomy jak Niemiesia Asiehiera Ramas ci Rubien Asiehiera Siervantes, u jaho niekalki psieŭdanimaŭ, takich jak El Mienča ci «Sieńjor de łos Haljos». Viadoma, što jon naradziŭsia ŭ rajonie Tjera-Kalijente-de-Mičaakan, vierahodna, va Uruapanie ci Ahilje.

Pavialičyć

U 1980‑ch hadach jon emihravaŭ u ZŠA. U Kalifornii jaho niekalki razoŭ aryštoŭvali za drobnyja złačynstvy, ale ŭžo ŭ pačatku 1990‑ch hadoŭ Asiehiera Siervantes pačaŭ zajmacca prodažam narkotykaŭ, što skončyłasia jaho departacyjaj.

Paśla viartańnia ŭ Mieksiku jon pastupiŭ na słužbu ŭ palicyju adnaho z municypalitetaŭ štata Chaliska, a zatym staŭ achoŭnikam narkahandlara Armanda Valensija Karnielia, taksama viadomaha jak El Maradona, adnaho ź lidaraŭ kartela «Valensija».

Hrupa była ŭ sajuzie z kartelem «Sinałoa», ale darohi abiedźviuch arhanizacyj razyšlisia ŭ 2010 hodzie paśla śmierci adnaho ź ich zasnavalnikaŭ, Ihnasia «Nača» Karaniela. Razam sa svaim švahram Abihaelem Hansalesam Valensijaj, «El Kuini», jon atrymaŭ u spadčynu častku jaho struktur.

Z hetaha momantu i zaradziŭsia kartel CJNG, a złačynnaja karjera El Mienčo pajšła ŭ haru.

Pašyreńnie CJNG

CJNG pieratvaryłasia ź miascovaj bandy ŭ štatach Chaliska i Kalima ŭ arhanizacyju, jakaja prysutničaje bolš čym na pałovie terytoryi Mieksiki.

Jaje asnoŭny biźnies byŭ źviazany ź nielehalnym rynkam amfietaminaŭ u ZŠA i Jeŭropie, ale taksama byli vyjaŭleny suviazi z handlem narkotykami ŭ Azii.

Imklivy rost CJNG tłumačycca niekalkimi pryčynami.

Adna ź ich — aryšt mnohich lidaraŭ kankurujučych kartelaŭ, što ŭ niekatorych vypadkach pryviało da ich raskołu, a ŭ inšych — da ich źniknieńnia, jak, naprykład, u vypadku z kartelem «Tamplijery» ŭ štacie Mičaakan. CJNG zapoŭniŭ pakinutyja kankurentami prabieły na rynku.

Inšy važny faktar — heta toje, što CJNG naniała finansavych ekśpiertaŭ i chimikaŭ, jakija raspracoŭvali novyja sumiesi dla vytvorčaści sintetyčnych narkotykaŭ.

Jašče adnym klučavym faktaram stała žorstkaść kartela. U apošniaje dziesiacihodździe ŭłady nazyvali El Mienčo niebiaśpiečnym złačyncam, jaki kiruje značnymi siłami. Niekatoryja ekśpierty śćviardžajuć, što Asiehiera Siervantes pryjšoŭ da ŭłady mienavita dziakujučy razhromu kankurujučych hrupovak.

Intaresy CJNG i jaho lidara nie abmiažoŭvalisia narkatrafikam. Jon skarystaŭsia ekanamičnym bumam u žyviołahadoŭli, sielskaj haspadarcy i budaŭnictvie ŭ Chaliska, kab stvaryć biźnies u hetych halinach i naładzić kanały dla admyvańnia hrošaj, atrymanych ad narkatrafiku.

CJNG taksama prasłaviłasia zdolnaściu padkuplać miascovyja ŭłady i mytnikaŭ. Pa mierkavańni ekśpiertaŭ pa narkatrafiku, heta palehčyła kartelu ŭvoz prekursoraŭ ci zychodnych rečyvaŭ dla vytvorčaści sintetyčnych narkotykaŭ u party «Mansaniljo» u Kalimie i «Łasara Kardenas» u Mičaakanie, raźmieščanyja na zachodnim uźbiarežžy Mieksiki.

Jašče adnoj krynicaj dachodu dla hrupoŭki stała vymahalnictva ŭ małych i siarednich pradpryjemstvaŭ na zachadzie Mieksiki.

Pavialičyć

Adnak z 2022 hoda źjavilisia čutki pra paharšeńnie jahonaha stanu zdaroŭja. Navat niekalki razoŭ pastupali paviedamleńni pra jaho śmierć, adnak ułady heta nie paćviardžali.

Ekśpierty adznačajuć, što, vierahodna, El Mienča ŭžo nie kiravaŭ apieracyjami CJNG naŭprost.

Adzin ź jaho synoŭ, Rubien Asiehiera Hansales, jaki ličyŭsia druhim pa značnaści ŭ hrupoŭcy, byŭ ekstradavany ŭ 2020 hodzie ź Mieksiki ŭ ZŠA. Heta byŭ adzin z samych surjoznych udaraŭ pa arhanizacyi da taho, jak Asiehiera Siervantes byŭ zabity ŭ niadzielu.

• 3
• 0
• 0
• 0
• 0
• 0
• 0
• 0