Z 16 pa 22 lutaha rasijskaja armija zachapiła 21 kv. km ukrainskich terytoryj, što stała rekordna nizkim pakazčykam z sakavika minułaha hoda, piša «Ahienctva» sa spasyłkaj na danyja ŭkrainskaha OSINT-prajekta DeepState.
Pa danych analitykaŭ, na minułym tydni rasijskija vajskovyja padraździaleńni prasunulisia na 46 kv. km u Danieckaj vobłaści. Pry hetym źviestak pra zachop novych nasielennych punktaŭ u DeepState niama.
Akramia hetaha, US Rasii zachapili kala piaci kvadratnych kiłamietraŭ terytoryj u Łuhanskaj vobłaści. Tydzień tamu Rasija straciła kantrol nad 32 kv. km ziamiel u Dniaprapiatroŭskaj vobłaści, jakija pierajšli ŭ šeruju zonu.
Zapavoleńnie rasijskaj armii fiksujecca z pačatku miesiaca.
Taksama kiraŭnictva USU i vajskovyja analityki śćviardžajuć, što ŭkrainskaj armii za apošnija tydni ŭdałosia viarnuć u Rasii častku zachoplenych terytoryj. Alaksandr Syrski zajaviŭ pra vyzvaleńnie 400 kv. km z kanca studzienia. OSINT-analityk Džon Chielin skazaŭ, što ŭ vyniku ŭkrainskich kontratak Rasija straciła 150 kv. km. Instytut vyvučeńnia vajny (ISW) śćviardžaje, što USU z 1 pa 23 lutaha vyzvalili 200 kv. km ziamiel, ale pry hetym stracili 35 kv. km na inšych učastkach.
Ale zasnavalnik prajekta Conflict Intelligence Team Rusłan Levijeŭ padkreślivaje, što intensiŭnaść vajny za apošni čas nie źmienšyłasia, a naadvarot, značna ŭzrasła. Jon adznačyŭ, što heta vymiarajecca nie terytoryjami, a kolkaściu strat z abodvuch bakoŭ.
Za 2025 hod, pa danych CSIS, Rasija straciła zabitymi i paranienymi 415,6 tysiačy vajskoŭcaŭ. Z pačatku hoda da siaredziny kastryčnika, pavodle acenki The Economist, na froncie zahinuła kala 100 tysiač rasijskich vajskoŭcaŭ.
I hetyja straty praciahvajuć raści. Za apošnija dva miesiacy, pa słovach hienieralnaha sakratara NATA Marka Rute, rasijskaja armija straciła zabitymi i paranienymi kala 65 tysiač sałdat.
Ahulnyja straty ŭ rasijskaj armii za 4 hady vajny ŭ piać razoŭ pieravysili ahulnuju kolkaść achviar SSSR za ŭsie vojny paśla Druhoj suśvietnaj. Jany akazalisia ŭ 17 razoŭ bolšymi za straty Savieckaha Sajuza ŭ vajnie ŭ Afhanistanie i ŭ 11 razoŭ bolšymi za rasijskija straty ŭ abiedźviuch Čačenskich vojnach.
Ukrainskaja armija, pa danych CSIS, da śniežnia straciła 600 tysiač čałaviek, 100‑140 tysiač ź jakich zahinuli. Heta aznačaje, što na froncie zahinuŭ prykładna kožny 16‑y mužčyna va ŭzroście ad 18 da 49 hadoŭ adnosna davajennaha nasielnictva Ukrainy, adznačaje The Economist.
Prajekt UALosses acaniŭ kolkaść zahinułych ukrainskich vajskoŭcaŭ da kanca 2025 hoda ŭ 81,6 tysiačy čałaviek.
Pa danych CIT, u 2025 hodzie ŭ vyniku vajny zahinuli 2 919 mirnych žycharoŭ, jašče 17 775 čałaviek atrymali ranieńni.
-
Rasijanie piaty raz zajavili pra ŭziaćcie «ŁNR»
-
Rasija ciapier nie trymaje na terytoryi Biełarusi vialikich vajskovych sił — Dziaržpahransłužba Ukrainy
-
«Reaktyŭny šachied urezaŭsia ŭ moj dom». Rasijanie sprabavali kropkavym udaram zabić daradcu ministra abarony Ukrainy, śpiecyjalista pa radyjotechnałohijach
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?10
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary
Aha, kali jon stvaraŭ Suśviet