Davier biełaruskaha dalnabojščyka da spadarožnikavaj navihacyjnaj sistemy pryvioŭ da praciahłaj apieracyi evakuacyi hruzavika ŭ aŭstryjskim horadzie Bad-Išl. Pra heta paviedamlaje miascovaja vyratavalnaja słužba, piša sajt «Biełaruś i mir».
Incydent zdaryŭsia 20 lutaha. Kiroŭca, słuchajučy padkazki navihatara, paviarnuŭ z darohi B145 na vulicu Miulenvieh, a ź jaje — na vulicu Brandebierhvieh. Abiedźvie jany vielmi krutyja, vuzkija i źvilistyja. Składanaści dadavali taksama ŭmovy nadvorja i zaśniežanaść.
Pieršyja ciažkaści ŭźnikli na čyhunačnym pierajeździe: hruzavik źjechaŭ z darožnaha pałatna. Ale ŭsio ž taki šafioru ŭdałosia pierapravić mašynu praz rejki. Dalej, adnak, stała zusim ciažka. Manieŭrujučy, fura ŭ vyniku zachrasła na zaśniežanaj uzbočynie.
Vyklikanyja vyratavalniki pry dapamozie labiodki viarnuli hruzavik na asfalt. Paśla vopytnamu supracoŭniku ekstrannaj słužby pryjšłosia vieści mašynu zadnim chodam na vialikaj adlehłaści — až da vapnavaha zavoda.
Čyhunačny pierajezd dla hetaha nakryli draŭlanymi bruskami, abmiežavaŭšy ruch na linii.
Tolki krychu bolš jak praz try hadziny kiroŭca hruzavika zmoh praciahnuć svoj šlach.
Dalnabojščyk spytaŭ u dziaŭčyn, čamu jany nie chočuć adnosin z dalnabojščykami — i paniesłasia
«U siarednim kiroŭca aŭtavoza atrymlivaje 130 jeŭra za sutki». Dalnabojščyk ź Viciebska apisaŭ svaju pracu
Dalnabojščyki zarablajuć šmat, ale kali iduć na piensiju abo pa kredyt, to vyjaŭlajecca, što nie ŭsio tak radasna
«Nie raju na Rasiju iści: ja spaŭ ad siły pa try hadziny za sutki». Dalnabojščyki paraŭnoŭvajuć zarobki i ŭmovy pracy ŭ Jeŭropie i Rasii
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstva praciŭnikaŭ Kramla. Pahražaje až da pažyćciovaha8
Kamientary
Jość ža doktar Huhl, prahladzi pierad pajezdkaj mapu, vyznačy alternatyŭnyja maršruty. Doktar Huhl i fota pakaža dla lepšaha ŭjaŭleńnia.