U Kazachstanie dla atrymańnia DNŽ uviali ekzamien pa kazachskaj movie
U Kazachstanie ŭzmacnili patrabavańni dla inšaziemcaŭ, jakija chočuć atrymać dazvoł na pastajannaje pražyvańnie i dazvoł na žycharstva. Z 13 lutaha tut uviali acenku tak zvanaha «imihracyjnaha patencyjału».
Ciapier pretendentam na DNŽ nieabchodna zdać ekzamien pa kazachskaj movie na ŭzroŭni A1 (elemientarny). Test budzie prachodzić dystancyjna i ŭklučać zadańni na aŭdziravańnie i čytańnie. Na vykanańnie advodzicca 70 chvilin. Kab zaličyć ekzamien, treba nabrać nie mienš za 30% pravilnych adkazaŭ u kožnym błoku. Pierazdača dazvalajecca.
Paśla paśpiachovaha ekzamienu kandydat pavinien zapoŭnić ankietu na partale migration.enbek.kz, paznačyŭšy ŭzrost, adukacyju, viedańnie moŭ, dośvied pracy i vučoby, prafiesijnyja navyki i stan zdaroŭja. Sistema aŭtamatyčna naličyć bały — dla prachodžańnia hetaha etapu treba atrymać nie mienš za 400. Dalej praduhledžanyja mižviedamasnaja pravierka i hutarka.
Taksama patrabujecca piśmovaja zhoda dziaržavy hramadzianstva na vyjezd na pastajannaje miesca žycharstva abo dakumient, jaki paćviardžaje źniaćcie z rehistracyi pa miescy žycharstva. Jurysty adznačajuć, što mienavita hetaja ŭmova vyklikaje najbolš pytańniaŭ, bo niezrazumieła, jaki dakumient budzie ličycca dastatkovym i ŭ jakich krainach jaho možna atrymać.
Usia pracedura acenki, jakaja składajecca ź piaci etapaŭ, zajmaje da 29 dzion. Paśla atrymańnia stanoŭčaha paviedamleńnia inšaziemiec moža padavać zajavu na dazvoł na pastajannaje pražyvańnie. Bieź jaho nielha aformić hramadzianstva Kazachstana.
Novyja praviły zakranajuć tolki tych, chto jašče nie maje dazvołu na pastajannaje pražyvańnie. Dla padaŭžeńnia ŭžo vydadzienaha dazvołu na žycharstva zdavać ekzamien nie treba. Dadatkovyja patrabavańni taksama nie raspaŭsiudžvajucca na ŭdzielnikaŭ prahramy Digital Nomad Residence, niepaŭnaletnich, inviestaraŭ i pradstaŭnikoŭ zapatrabavanych prafiesij.
U Polščy terminy razhladu spraŭ ab DNŽ zamarozili da sakavika 2027 hoda. A dla mižnarodnaj abarony — viarnuli
Dazvoł na žycharstva ŭ Hruzii majuć 3700 biełarusaŭ
U Polščy chočuć uskładnić atrymańnie karty palaka. Što pamianiajecca?
Niekatorym biełarusam z DNŽ i zamiežnym pašpartam treba budzie zdavać u Biełarusi adbitki palcaŭ
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary