Były narviežski premjer Jahłand zrabiŭ sprobu samahubstva na fonie abvinavačańnia ŭ suviaziach z Epštejnam
Były premjer-ministr Narviehii i były hienieralny sakratar Rady Jeŭropy Turbjorn Jahłand byŭ špitalizavany paśla sproby samahubstva. Jahony stan ciažki, piša na padstavie ŭłasnych krynic narviežskaje vydańnie iNyheter.
Incydent adbyŭsia tydzień tamu na fonie kryminalnaj spravy, zaviedzienaj suprać palityka. 12 lutaha Jahłandu vystavili abvinavačańni ŭ ciažkaj karupcyi, źviazanaj ź jaho suviaziami z amierykanskim finansistam Džefry Epštejnam. U toj ža dzień u jahonym žylli ŭ Osła i inšych abjektach nieruchomaści prajšli pieratrusy. Dla rasśledavańnia patrabavałasia źniaćcie imunitetu, jakoje było admieniena napiaredadni.
Śledstva śćviardžaje, što ŭ pieryjad z 2011 da 2018 hoda Jahłand i jahonaja siamja karystalisia pryvatnymi apartamientami Epštejna ŭ roznych krainach, a taksama naviedvali jahony majontak. Pavodle materyjałaŭ spravy, mahli mieć miesca apłata pajezdak i sproby atrymać finansavuju padtrymku.
Turbjorn Jahłand byŭ sprečnaj fihuraj na mižnarodnaj arenie: jaho krytykavali za nibyta praźmierna družalubnaje staŭleńnie da rasijskaha kiraŭnictva i prezidenta Uładzimira Pucina. Paśla anieksii Kryma ŭ 2014 hodzie Rasija była pad sankcyjami, ale ŭ 2019 hodzie Jahłand uznačaliŭ sproby adnavić prava Maskvy na hałasavańnie ŭ Radzie Jeŭropy. Tolki paśla poŭnamaštabnaha ŭvarvańnia Rasii va Ukrainu ŭ 2022 hodzie Rasija była vyklučanaja z arhanizacyi. Analityki i členy Rady Jeŭropy krytykavali Jahłanda za toje, što jon nibyta paddaŭsia na rasijski «šantaž».
Apublikavanyja fajły Epštejna taksama ŭklučajuć epizody z udziełam inšych narviežskich publičnych asob, naprykład, kronpryncesy Miete-Maryt, jakaja ŭ 2013 hodzie brała ŭ arendu nieruchomaść Epštejna. U 2012 hodzie ŭ pierapiscy z Epštejnam jana zrabiła vykazvańni, za jakija paźniej paprasiła prabačeńnia.
U Narviehii surjozna ŭzialisia za byłoha premjera, jaki siabravaŭ z Epštejnam i spryjaŭ Pucinu
Zatrymany brat Karła III, były prync Endru
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
Urad Kira Starmiera trapiŭ u surjozny palityčny kryzis. I ŭsio znoŭ z-za Epštejna
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary