Былы нарвежскі прэм'ер Ягланд зрабіў спробу самагубства на фоне абвінавачання ў сувязях з Эпштэйнам
Былы прэм’ер-міністр Нарвегіі і былы генеральны сакратар Рады Еўропы Турб’ёрн Ягланд быў шпіталізаваны пасля спробы самагубства. Ягоны стан цяжкі, піша на падставе ўласных крыніц нарвежскае выданне iNyheter.
Інцыдэнт адбыўся тыдзень таму на фоне крымінальнай справы, заведзенай супраць палітыка. 12 лютага Ягланду выставілі абвінавачанні ў цяжкай карупцыі, звязанай з яго сувязямі з амерыканскім фінансістам Джэфры Эпштэйнам. У той жа дзень у ягоным жыллі ў Осла і іншых аб'ектах нерухомасці прайшлі ператрусы. Для расследавання патрабавалася зняцце імунітэту, якое было адменена напярэдадні.
Следства сцвярджае, што ў перыяд з 2011 да 2018 года Ягланд і ягоная сям’я карысталіся прыватнымі апартаментамі Эпштэйна ў розных краінах, а таксама наведвалі ягоны маёнтак. Паводле матэрыялаў справы, маглі мець месца аплата паездак і спробы атрымаць фінансавую падтрымку.
Турб’ёрн Ягланд быў спрэчнай фігурай на міжнароднай арэне: яго крытыкавалі за нібыта празмерна дружалюбнае стаўленне да расійскага кіраўніцтва і прэзідэнта Уладзіміра Пуціна. Пасля анексіі Крыма ў 2014 годзе Расія была пад санкцыямі, але ў 2019 годзе Ягланд узначаліў спробы аднавіць права Масквы на галасаванне ў Радзе Еўропы. Толькі пасля поўнамаштабнага ўварвання Расіі ва Украіну ў 2022 годзе Расія была выключаная з арганізацыі. Аналітыкі і члены Рады Еўропы крытыкавалі Ягланда за тое, што ён нібыта паддаўся на расійскі «шантаж».
Апублікаваныя файлы Эпштэйна таксама ўключаюць эпізоды з удзелам іншых нарвежскіх публічных асоб, напрыклад, кронпрынцэсы Метэ-Марыт, якая ў 2013 годзе брала ў арэнду нерухомасць Эпштэйна. У 2012 годзе ў перапісцы з Эпштэйнам яна зрабіла выказванні, за якія пазней папрасіла прабачэння.
У Нарвегіі сур'ёзна ўзяліся за былога прэм'ера, які сябраваў з Эпштэйнам і спрыяў Пуціну
Затрыманы брат Карла ІІІ, былы прынц Эндру
«Залічаная па нестандартнай працэдуры». Стала вядома, як шчодра падмазваў Эпштэйн універсітэт, у якім вучылася Карына Шуляк
Урад Кіра Стармера трапіў у сур'ёзны палітычны крызіс. І ўсё зноў з-за Эпштэйна
Каментары
За спробу -5, за рэалізацыю - 2!