«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
Džefry Epštejn dapamoh biełaruscy Karynie Šulak z pastupleńniem i vučobaj u stamatałahičnaj škole prestyžnaha Kałumbijskaha ŭniviersiteta — jana była zaličanaja tudy paśla asabistaha ŭmiašańnia finansista dziakujučy jaho suviaziam z kiraŭnictvam VNU, daviedałasia vydańnie The New York Times z «fajłaŭ Epštejna». U samim univiersitecie prakamientavali hetuju infarmacyju, piša «Lusterka».
Uradženka Biełarusi Karyna Šulak — byłaja studentka BDMU, jakaja pryjechała ŭ ZŠA ŭ 2009 hodzie, kali joj było 20 hadoŭ. Jana była dziaŭčynaj Džefry Epštejna nie adzin hod i padtrymlivała ź im adnosiny až da jahonaj śmierci ŭ turmie.
Jak vyśvietliła The New York Times, u 2012 hodzie, kali Šulak było kala 22 hadoŭ, jana sprabavała pastupić u stamatałahičnuju škołu Kałumbijskaha ŭniviersiteta ŭ Ńju-Jorku, adnaho z samych viadomych i prestyžnych u krainie, adnak pieršapačatkova atrymała admovu.
Paśla hetaha da spravy napramuju padklučyŭsia Epštejn. Zhodna z dakumientami Ministerstva justycyi ZŠA, jon zadziejničaŭ svaje suviazi ŭ kiraŭnictvie ŭniviersiteta i daŭ zrazumieć, što razhladaje mahčymaść bujnoha achviaravańnia — ad 5 da 10 miljonaŭ dalaraŭ.
U vyniku niekalki vysokapastaŭlenych supracoŭnikaŭ stamatałahičnaj škoły pačali asabista dapamahać Šulak: były dekan źviazaŭsia z BDMU, kab zapytać dakumienty ab vučobie dziaŭčyny, zahadčyk kafiedry padaŭ materyjały dla ŭstupnaha ekzamienu, a namieśnik dekana raspracavaŭ dla jaje indyvidualny navučalny płan.
U vyniku Šulak była zaličanaja. U nastupnyja hady Epštejn apłaciŭ jaje navučańnie i dadatkovyja kursy: pavodle źviestak finansavych spravazdač, na adukacyju Šulak jon vydatkavaŭ nie mienš za 631 tysiaču dalaraŭ. Paralelna jon rabiŭ achviaravańni Kałumbijskamu ŭniviersitetu — spačatku 100 tysiač dalaraŭ na prajekt u śfiery hramadskaj achovy zdaroŭja, zatym jašče 50 tysiač dalaraŭ u fond stamatałahičnaj škoły.
U 2014 hodzie Šulak atrymała stupień doktara stamatałohii, a ŭ 2025 hodzie znoŭ skončyła Kałumbijski ŭniviersitet, atrymaŭšy siertyfikat pa prahramie pahłyblenaj stamatałahičnaj adukacyi. Ciapier joj kala 36 hadoŭ, i, pavodle źviestak amierykanskich ŚMI, jana žyvie ŭ Ńju-Jorku. Ad publičnych kamientaryjaŭ nakont svajoj suviazi z Epštejnam biełaruska admoviłasia.
Kałumbijski ŭniviersitet apublikavaŭ zajavu ŭ suviazi z hetaj infarmacyjaj. Tam havorycca, što ŭ 2019 hodzie VNU daviedałasia pra pierapisku pamiž Džefry Epštejnam i byłymi supracoŭnikami stamatałahičnaj škoły, bolšaść ź jakich užo nie pracujuć va ŭniviersitecie.
«Kali kazać koratka, adna studentka była zaličanaja ŭ stamatałahičnuju škołu pa niestandartnaj pracedury, pryčym heta supała pa časie sa sprobami pryciahnieńnia achviaravańniaŭ, jakija rabilisia byłymi pradstaŭnikami akademičnaha i vypusknoha kiraŭnictva škoły. Hetyja pieramovy ab finansavańni vialisia tahačasnym kiraŭnictvam stamatałahičnaj škoły abo asobami pa ich daručeńni, ale nie pa ŭkazańni kiraŭnictva miedycynskaha centra Kałumbijskaha ŭniviersiteta ci ŭniviersiteta ŭ cełym», — paviedamili ŭ VNU.
Univiersitet padkreśliŭ, što takija pracedury nie adpaviadali jaho standartam «sumlennaści i niezaležnaści pry pryjomie studentaŭ». U chodzie razboru ad pracy byli adchilenyja niekalki asob, jakija da hetaha času zachoŭvali suviaź sa stamatałahičnaj škołaj.
VNU taksama zafiksavała achviaravańni ad arhanizacyj, źviazanych z Epštejnam, na sumu 210 000 dalaraŭ. Inšych achviaravańniaŭ ad finansista abo źviazanych ź im struktur tam nie znajšli. Hetyja srodki buduć pieraviedzienyja ŭ roŭnych dolach — pa 105 000 dalaraŭ — dźvium ńju-jorkskim NKA, jakija akazvajuć padtrymku achviaram seksualizavanaha hvałtu i handlu ludźmi.
«Studentka, pra jakuju idzie havorka, zakončyła navučańnie i nie była pryznana vinavataj u jakich-niebudź parušeńniach», — reziumavali ŭ Kałumbijskim univiersitecie.
«A što Epštejn? Možna padumać, što ty b admoviłasia». Boty ŭstali na abaronu Karyny Šulak
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
Zaviaščaŭ Karynie Šulak 50 miljonaŭ, a jaje baćka lotaŭ ź im na viertalocie za miesiac da aryštu. Što jašče stała viadoma z fajłaŭ Epštejna
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary
"Eti pieriehovory o finansirovanii vieliś tohdašnim rukovodstvom stomatołohičieskoj škoły ili licami po ich poručieniju, no nie po ukazaniju rukovodstva miedicinskoho cientra Kołumbijskoho univiersitieta ili univiersitieta v ciełom», — soobŝili v vuzie."