Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu
Razam sa svajoj kachankaj, biełaruskaj Karynaj Šulak skandalna viadomy amierykanski finansist naviedvaŭ jaje baćkoŭ, daviedałasia sa śviežavykładzienych «fajłaŭ Epštejna» «Jeŭraradyjo». Z raniej apublikavanych dakumientaŭ vynikała, što miljanier niekalki razoŭ pieravodziŭ im hrošy.
U vizavaj ankiecie Epštejn paznačaŭ adras Koritskogo, 8 — minski adras siamji Šulak. Jak pisała ŭ adnym ź listoŭ sama dziaŭčyna, jany płanavali spynicca ŭ jaje family house. Ź listavańnia za 2018 vynikaje, što tady jany spynialisia ŭ Marriott.
U adnym ź listoŭ pamočnik Epštejna skardziŭsia, što biełaruski konsuł daŭ upłyvovamu miljanieru vizu nie na hod, a na dva miesiacy.
Finansista Džefry Epštejna abvinavačvali ŭ handli ludźmi z metaj ich seksualizavanaj ekspłuatacyi. Pavodle viersii śledstva, biznesmien atrymlivaŭ seksualnyja pasłuhi ad niepaŭnaletnich dziaŭčat i «pazyčaŭ» ich upłyvovym ludziam.
U 2008 hodzie jon pryznaŭ vinu pa spravie ab padbuchtorvańni da prastytucyi, u tym liku ŭ dačynieńni da niepaŭnaletnich, i byŭ asudžany da 18 miesiacaŭ źniavoleńnia, jakija adsiedzieŭ nie całkam. U 2011 hodzie Epštejn vyjšaŭ na volu, adbyŭšy 13 miesiacaŭ u turmie.
7 lipienia 2019 hodzie jaho znoŭ aryštavali, a praź miesiac, 10 žniŭnia, biznesmien učyniŭ samahubstva ŭ turemnaj kamiery ŭ Ńju-Jorku. Jamu pahražała da 45 hadoŭ źniavoleńnia, i suprać finansista hatovyja byli śviedčyć dziasiatki śviedkaŭ i paciarpiełych.
Ciapierašni prezident ZŠA Donald Tramp i Džefry Epštejn siabravali na praciahu mnohich hadoŭ, ale ŭ siaredzinie 2000-ch, jak kazaŭ Tramp, pasvarylisia.
Raniej siabroŭstva z Epštejnam i ŭdzieł u jaho seks-viečarynkach kaštavali tytuła prynca bratu karala Vialikabrytanii Karła III Endru.
Apublikavany try miljony fajłaŭ Epštejna: što novaha i ci buduć jašče?
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak
Apublikavali novuju partyju materyjałaŭ pa spravie Epštejna. Tam znoŭ zhadvajecca Tramp
Bił Klintan, Majkł Džeksan i Mik Džahier. Kaho možna znajści ŭ novych dakumientach sa spravy Džefry Epštejna
Apublikavali novyja fota z archiva Džefry Epštejna. Na ich jość i Tramp
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary
Spatykalisia ú Drazdoch .