U aŭtorak, 25 červienia deputaty Parłamienckaj asamblei Rady Jeŭropy (PARIE) paśla amal dzieviacihadzinnaha abmierkavańnia pryniali rezalucyju, jakaja dazvalaje rasijskaj delehacyi viarnucca da pracy ŭ asamblei (118 prahałasavali «za», 62 «suprać», 10 «ustrymalisia»), piša RBK.
Rezalucyja była padrychtavana na asnovie dakłada «Udaskanaleńnie pracesu pryniaćcia rašeńniaŭ Parłamienckaj asamblei adnosna paŭnamoctvaŭ i hałasavańnia».
Jana prapanoŭvała dadać u praviły raboty PARIE farmuloŭku, jakija abviaščajuć, što «pravy členaŭ hałasavać, vystupać i być pradstaŭlenymi ŭ Asamblei i jaje orhanach nie mohuć być prypynienyja abo adklikany praz asprečvańnie abo pierahlad paŭnamoctvaŭ».
Takim čynam, u aŭtorak rasiejskaja delehacyja zmoža ŭziać udzieł u pracy asamblei, a 26 červienia PARIE budzie hałasavać za novaha hiensakratara arhanizacyi, jaki źmienić Turbjerna Jahłanda i ŭstupić u pasadu vosieńniu hetaha hoda - hałasy rasijskich parłamientaryjaŭ taksama buduć uličanyja. Rasija, adnak, pakidaje za saboj prava pakinuć Asambleju, kali jaje delehacyju abmiažujuć ŭ jakich-niebudź pravach.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary