Endru Mauntbieten-Vindzar aryštavany pa padazreńni va złoŭžyvańni na dziaržaŭnaj słužbie, paviedamlaje Bi-bi-si.
«U ramkach rasśledavańnia my siońnia aryštavali šaścidziesiacihadovaha mužčynu z Norfałka pa padazreńni ŭ nienaležnych pavodzinach na dziaržaŭnaj słužbie i pravodzim pieratrusy pa adrasach u Bierkšyry i Norfałku. Zaraz mužčyna zastajecca pad vartaj u palicyi. U adpaviednaści z nacyjanalnym zakanadaŭstvam, my nie budziem nazyvać imia aryštavanaha», — havorycca ŭ pres-relizie brytanskaj palicyi.
Bi-bi-si zaznačaje, što majecca na ŭvazie były prync Endru.
Były prync Endru prymaŭ Džefry Epštejna i amierykanskaha pradziusara Charvi Vajnštejna, taksama asudžanaha za seksualnyja złačynstvy, u svajoj rezidencyi ŭ Vindzory ŭ 2006 hodzie.
Endru byŭ vymušany admovicca ad vykanańnia aficyjnych abaviazkaŭ člena karaleŭskaj siamji ŭ 2019 hodzie z-za skandału, vyklikanaha spravaj Epštejna. Heta adbyłosia paśla taho, jak amierykanka Virdžynija Džufre vystupiła z abvinavačvańniami suprać prynca, zajaviŭšy, što jon byŭ adnym z mužčyn, ź jakimi jaje prymušali zajmacca seksam u 17‑hadovym uzroście.
U svajoj knizie Nobody's Girl («Ničyja dziaŭčynka») Džufre zhadvaje pra try vypadki seksualnych adnosin z členam brytanskaj siamji i abvinavačvaje prynca ŭ tym, što toj ličyŭ seks ź joj «pravam pa naradžeńni». Kniha była apublikavanaja praz paŭhoda paśla taho, jak Džufre skončyła žyćcio samahubstvam.
U kancy 2025 hoda prync Endru byŭ pazbaŭleny tytuła i pakinuŭ svaju rezidencyju ŭ Vindzarskim zamku. Ciapier jaho zavuć Endru Mauntbieten-Vindzar.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary