U pamiaškańni «Ruskaha doma ŭ Breście» da 4‑j hadaviny poŭnamaštabnaha ŭvarvańnia Rasii va Ukrainu prachodzić vystava «Frantaviki. VZhlad» Iryny Charkaŭskaj pad nazvaj «Tvary hierojaŭ». Naviedvalniki mohuć taksama skleić sa stužak rasijski trykałor, zaŭvažyŭ REFORM.news.
«Hetyja paštoŭki — nie prosta malunki. Heta pasłańni tym, chto staić na abaronie našaj Radzimy, zachavanyja žyvyja emocyi i nievierahodnyja, poŭnyja siły vočy kožnaha bajca. Sumna ŭśviedamlać, što bolšaść ź ich tak i nie atrymali svaje partrety», — havorycca ŭ pres-relizie «Ruskaha doma ŭ Breście».
Adznačajecca, što «na malunkach — bajcy sił śpiecyjalnych apieracyj, u jakich schavanaja bolšaja častka tvaru».
Arhanizatarami mierapryjemstva vystupili abjadnańni «Ruskaje tavarystva» i «Ruski Dom u Breście». Iryna Charkaŭskaja źjaŭlajecca členam RHA «Ruskaje tavarystva». U Breście adździaleńnie tavarystva ŭznačalvaje Śviatłana Śmirnova.
Na ŭračystaje adkryćcio pryviali skrypičny ansambl himnazii, udzielnikaŭ prajekta «Faktar baj», kłub Ruskaha tavarystva «Aryjon». Prysutničali taksama vice-konsuł Hienieralnaha konsulstva RF u Breście Raman Citoŭ i kiraŭnica adździaleńnia Rassupracoŭnictva ŭ Breście, vice-konsuł Safija Piakšava.
Naviedvalniki pavinny byli dałučycca da stvareńnia pałatna sa stužak u kolerach rasijskaha trykałora.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary
Eto tie ludi, kotoryje postavleny FSB Rośsii hotoviť russkije viosny za priediełami Rośsii!
Vsiech za ekstriemizm na 15 let!