«Jamu tak błaha stała, što jon upaŭ na baraku». Stali viadomyja abstaviny śmierci palitviaźnia Vadzima Chraśko
Były palitviazień Michaił Stalarčuk raskazaŭ u intervju pravaabarončamu centru «Viasna» pra abstaviny śmierci ŭ kałonii asudžanaha za danaty Vadzima Chraśko — jon staŭ śviedkam hetaha.
«U jaho ŭžo byli prablemy sa zdaroŭjem. U studzieni 2024 hoda ŭ jaho była tempieratura i jon chadziŭ u miedčastku, ale jaho nie prymali tam. Potym jamu tak drenna stała, što jon upaŭ na baraku. Supracoŭniki sami napałochalisia ŭžo. Vyklikali kantralora i miedyka. Na nasiłkach jaho adnieśli ŭ miedčastku, dzie jon adrazu i pamior. Pryjechała chutkaja i zabrała jaho.
Jak potym kazali kantralory, «jon zhareŭ za try dni» — pamior ad zapaleńnia, jak pakazała ŭskryćcio. Kali b na miedčastcy jamu zrabili zdymak i niejak dapamahli, to hetaha nie było b», — raskazaŭ Michaił Stalarčuk.
Pra śmierć za kratami Vadzima Chraśko stała viadoma ŭ studzieni 2024 hoda. Jon pamior u noč na 9 studzienia ad zapaleńnia lohkich. 50‑hadovaha mužčynu dastavili z kałonii «Vićba» ŭ špital, ale vyratavać žyćcio mužčyny lekaram nie ŭdałosia.
Pierad źniavoleńniem Vadzim žyŭ u Minsku. Pracavaŭ u śfiery IT, u firmach, jakija zajmalisia raspracoŭkaj prahramnaha zabieśpiačeńnia z pačatku 1990‑ch hadoŭ. Adno ź pieršych miescaŭ pracy — zamiežnaje pradpryjemstva «Łappa IP», jakoje isnavała z 1991 hoda. Ofis mieściŭsia na terytoryi Akademii navuk.
Apošnim miescam pracy Vadzim paznačyŭ kampaniju «Aviest». Jon byŭ kiraŭnikom hrupy. Tam jon pracavaŭ z 2000 hoda. Heta pryvatnaja kampanija, jakaja raspracoŭvała prahramnaje zabieśpiačeńnie kryptahrafičnaj abarony infarmacyi, abaraniała biźniesy ad kibieratak. Jejnymi klijentami byli Nacbank, Ministerstva padatkaŭ i zboraŭ, Fond sacyjalnaj abarony nasielnictva, Ministerstva pracy, Biełaruskaja čyhunka, Biełahramprambank i niekatoryja inšyja banki.
U kałonii ad pnieŭmanii pamior palitviazień Vadzim Chraśko, asudžany za danaty
Chto toj sudździa, jaki adpraviŭ u kałoniju Vadzima Chraśko — palitviaźnia ź ciažkaj chvarobaj, jakaja stała śmiarotnaj
«Niama ničoha bolš istotnaha za žyćcio čałavieka. I apraŭdać zabojstvy niemahčyma». Cichanoŭskaja vystupiła z nahody śmierci Vadzima Chraśko
Klijentami jaho firmy byŭ Nacbank, Minpracy. Što viadoma pra palitviaźnia Vadzima Chraśko, jaki pamior u kałonii
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary