Staličnyja ŭłady papiaredzili, u jakich vypadkach mohuć anulavać dazvoł na handal kvietkami. Pra heta paviedamiła kiraŭnica ŭpraŭleńnia handlu i pasłuh Minharvykankama na apieratyŭnaj naradzie, paviedamlaje ahienctva «Minsk-Naviny».
Asnoŭnaja pryčyna — nievykanańnie patrabavańniaŭ pa ŭparadkavańni handlovaha miesca. Padčas prodažu kvietak utvarajecca śmiećcie — abrezki ściobłaŭ, liście, pialostki. Pradaŭcy abaviazanyja štodzionna prybirać svajo pracoŭnaje miesca.
Kali heta patrabavańnie budzie praihnaravana, dazvoł, vydadzieny rajonnaj administracyjaj, mohuć skasavać. Ułady padkreślivajuć, što čyścinia ŭ horadzie zaležyć ad samich handlaroŭ i žycharoŭ.
Takija miery ŭviedzienyja z-za taho, što ŭ papiarednija hady nie ŭsie pradaŭcy naležnym čynam padtrymlivali paradak paśla zakančeńnia handlu.
Asobna nahadali pra baraćbu ź nielehalnym prodažam kvietak. Płanujecca pravodzić sumiesnyja rejdy z udziełam milicyi, pradstaŭnikoŭ rajonnych administracyj i padatkovych orhanaŭ. Za handal biez dazvołu praduhledžany štraf da 50 bazavych vieličyń.
Taksama žycharoŭ papiaredzili pra aktyvizacyju pierad śviatami machlaroŭ. Nabyvać kvietki rekamiendujuć u aficyjnych kramach abo na pravieranych internet-placoŭkach, dzie pavinna być paznačanaja infarmacyja pra pradaŭca i vydavacca ček. Inakš jość ryzyka zastacca i biez hrošaj, i biez tavaru.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary