Маргарыта Ворыхава пакідае пасаду ў Аб'яднаным пераходным кабінеце
Маргарыта Ворыхава пакідае пасаду прадстаўніцы па моладзевай палітыцы Аб'яднанага пераходнага кабінета Беларусі, якую займала на працягу апошніх гадоў, паведаміла прэс-служба АПКБ.
У сваім прынагодным звароце Маргарыта Ворыхава назвала працу ў АПКБ
«адной з самых складаных і важных прац у яе жыцці, зробленай разам з людзьмі, якіх яна глыбока паважае: тымі, хто прайшоў праз арышты, выгнанне і страты, але не перастаў верыць у свабодную Беларусь».
Яна заявіла, што ганарыцца «тым, што яны стварылі разам: трэнінгамі, адукацыйнымі праграмамі, стыпендыямі, платформамі дапамогі і супольнасцямі падтрымкі».
Ворыхава выказала падзяку калегам і каляжанкам у Кабінеце, Каардынацыйнай радзе і арганізацыях, з якімі працавала, і выказала ўпэўненасць, што «рух застаецца жывым толькі тады, калі ён аднаўляецца і адкрывае месца тым, хто сёння найбольш непасрэдна жыве ў беларускай рэальнасці».
Сама яна цяпер збіраецца «заняцца больш шырокай задачай — будаваць арганізацыйныя і тэхналагічныя асновы, якія будуць патрэбныя беларускім дэмакратычным сілам у бліжэйшыя гады».
Пасля сыходу Маргарыты Ворыхавай абавязкі прадстаўніка па моладзевай палітыцы будзе выконваць першы намеснік Ворыхавай Аляксей Грахоўскі. Ён будзе выконваць гэтыя абавязкі да прызначэння новага прадстаўніка па моладзевай палітыцы. Кандыдатуру на гэтую пасаду прапануе Каардынацыйная рада, пасля чаго яе зацвердзіць кіраўніца Аб’яднанага пераходнага кабінета Святлана Ціханоўская.
Латушка не верыць, што Мельнікава купіла ў Мінску кватэры
Аб’яднаны пераходны кабінет заклікаў улады да Круглага стала з прадстаўнікамі дэмакратычных сіл
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»
Ціханоўская і Аб'яднаны пераходны кабінет узнагародзілі ва Украіне медалямі 24 чалавекі
У Кіеве афіцыйна адкрылі Місію беларускіх дэмакратычных сіл
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары