Найбольшую зацікаўленасць у гэтым праяўляюць саюзнікі па НАТА, якія знаходзяцца бліжэй за ўсё да межаў Расіі.
ЗША абмяркоўваюць магчымасць размяшчэння ядзернай зброі ў дадатковых еўрапейскіх краінах альянсу. Як паведамляе Financial Times са спасылкай на крыніцы, гэты крок закліканы пераканаць саюзнікаў, што скарачэнне звычайнай ваеннай падтрымкі з боку ЗША не аслабіць гарантый іх бяспекі.
Паводле слоў трох суразмоўцаў выдання, Вашынгтон гатовы выйсці за межы шасці краін (гэта зараз — Бельгія, Германія, Італія, Нідэрланды, Турцыя і Вялікабрытанія), дзе цяпер размешчаны самалёты, здольныя несці ядзерную зброю.
Канфідэнцыйныя перамовы на гэты конт пачаліся на фоне асцярог у Еўропе, што Дональд Трамп можа вывесці частку амерыканскіх войскаў і крытычна важных узбраенняў з кантынента.
Калі перамовы завершацца паспяхова для ЗША, яшчэ больш краін змогуць прыняць на сваёй тэрыторыі амерыканскія самалёты двайнога прызначэння (DCA — Dual-Capable Aircraft), здольныя наносіць ядзерныя ўдары. Такім чынам ЗША імкнуцца прадэманстраваць надзейнасць свайго «ядзернага парасона», адначасова заахвочваючы еўрапейскіх саюзнікаў браць на сябе большую частку выдаткаў на традыцыйную абарону.
Найбольшую цікавасць да пашырэння праграмы праяўляе ўсходні фланг НАТА, а менавіта краіны, што мяжуюць з Расіяй.
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары