Андрэй Сібіга заявіў пра пагрозы з боку Беларусі.
Пасля сустрэчы міністраў у межах Рады НАТА — Украіны ў Хельсінборгу міністр замежных спраў Украіны Андрэй Сібіга заявіў пра пераломны момант у вайне і пагрозы з боку Беларусі.
«Мы знаходзімся ў пераломным моманце вайны, і ціск на Расію расце. Украіна трымае абарону, а чалавечыя рэсурсы Расіі больш не з’яўляюцца вырашальнай перавагай. Я праінфармаваў саюзнікаў пра нарастаючыя пагрозы з боку Беларусі і заклікаў да адпаведных дзеянняў, стрымлівання і крокаў, накіраваных на тое, каб не дазволіць Расіі і Беларусі пашырыць агрэсію.
Украіна больш не проста просіць пра ахвяраванні; мы — удзельнік у забеспячэнні бяспекі, донар і партнёр, гатовы дзяліцца сваім досведам з саюзнікамі.
Павелічэнне абаронных выдаткаў — гэта гарантыя міру, і я заклікаю кожнага члена НАТА зрабіць свой унёсак у абарону Украіны», — сказаў міністр.
Учора Аляксандр Лукашэнка заявіў, што Беларусь будзе «ўцягнутая ў вайну» з Украінай толькі ў выпадку, калі на яе тэрыторыю «будзе здзейснена агрэсія».
Каментары
»Павелічэнне абаронных выдаткаў — гэта гарантыя міру, і я заклікаю кожнага члена НАТА зрабіць свой унёсак у абарону Украіны», — сказаў міністр.