Kiraŭnik MZS Ukrainy: My znachodzimsia na pierałomnym momancie vajny
Andrej Sibiha zajaviŭ pra pahrozy z boku Biełarusi.
Paśla sustrečy ministraŭ u miežach Rady NATA — Ukrainy ŭ Chielsinborhu ministr zamiežnych spraŭ Ukrainy Andrej Sibiha zajaviŭ pra pierałomny momant u vajnie i pahrozy z boku Biełarusi.
«My znachodzimsia ŭ pierałomnym momancie vajny, i cisk na Rasiju raście. Ukraina trymaje abaronu, a čałaviečyja resursy Rasii bolš nie źjaŭlajucca vyrašalnaj pieravahaj. Ja prainfarmavaŭ sajuźnikaŭ pra narastajučyja pahrozy z boku Biełarusi i zaklikaŭ da adpaviednych dziejańniaŭ, strymlivańnia i krokaŭ, nakiravanych na toje, kab nie dazvolić Rasii i Biełarusi pašyryć ahresiju.
Ukraina bolš nie prosta prosić pra achviaravańni; my — udzielnik u zabieśpiačeńni biaśpieki, donar i partnior, hatovy dzialicca svaim dośviedam z sajuźnikami.
Pavieličeńnie abaronnych vydatkaŭ — heta harantyja miru, i ja zaklikaju kožnaha člena NATA zrabić svoj uniosak u abaronu Ukrainy», — skazaŭ ministr.
Učora Alaksandr Łukašenka zajaviŭ, što Biełaruś budzie «ŭciahnutaja ŭ vajnu» z Ukrainaj tolki ŭ vypadku, kali na jaje terytoryju «budzie ździejśniena ahresija».
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina19
Kamientary
»Pavieličeńnie abaronnych vydatkaŭ — heta harantyja miru, i ja zaklikaju kožnaha člena NATA zrabić svoj uniosak u abaronu Ukrainy», — skazaŭ ministr.