U Baranavičach vidavočcy vyratavali traich maleńkich dziaciej padčas pažaru ŭ kvatery
Zdareńnie adbyłosia ŭčora ŭ domie na vulicy Vałošyna, paviedamlaje MNS.
Na šostym paviersie 11‑paviarchovaha žyłoha doma zahareŭsia bałkon. U zamknionaj kvatery znachodzilisia troje dziaciej: dvoje šaścihadovych i vaśmihadovaje. Ich baćki razam ź jašče adnym adnahadovym dziciem pajšli ŭ kramu.
Susiedzi z 8‑ha paviercha pačuli huk aŭtanomnaha pažarnaha apaviaščalnika. Spuściŭšysia na šosty pavierch, jany pačuli dziciačy płač, ale ŭvachodnyja dźviery byli začynienyja. Na stuk nichto nie adčyniaŭ. Susiedzi vyklikali MNS i pačali samastojna ŭzłomvać dźviery.
U hety čas inšy mužčyna, zaŭvažyŭšy husty dym z bałkona doma nasuprać, imhnienna kinuŭsia na dapamohu. Tak sama zrabiŭ jašče adzin mužčyna, jaki prajazdžaŭ mima na aŭtamabili.
Jany adnačasova padnialisia na šosty pavierch i razam z susiedziami ŭzłamali ŭvachodnyja dźviery i ŭvajšli ŭ mocna zadymlenuju kvateru.
Vidavočcy chutka adšukali traich napałochanych dziaciej, vynieśli ich na śviežaje pavietra i pieradali bryhadzie chutkaj dapamohi.
Pažarnyja likvidavali pažar. Vyratavanyja dzieci špitalizavanyja.
Kamientary