Pasažyry žorstka źbili žančynu-taksistku — jana apynułasia ŭ balnicy
Pra žorstki napad na žančynu-taksistku raspaviali ŭ supołcy «Taksabro» — abjadnańni ludziej, što pracujuć u taksi. Zdareńnie adbyłosia ŭ Barysavie ŭ noč z 9 na 10 maja, piša Onliner.
Pa infarmacyi supołki, incydent zdaryŭsia paśla zvyčajnaha načnoha zakazu.
Žančyna-taksistka ŭziała pajezdku z maładoj paraj i maleńkim dziciem. Padčas ruchu pasažyry zasnuli, a na kančatkovym punkcie kiroŭca nie zmahła ich razbudzić.
Kali taksistka čarhovy raz pasprabavała pryvieści pasažyraŭ u pačućci, mužčyna raptam nakinuŭsia na jaje z kułakami, paźniej da źbićcia dałučyłasia i jaho spadarožnica — žančynu-taksistku bili prosta ŭ mašynie.
U redakcyju trapiła videa z rehistratara, źniataje padčas kanfliktu.
Na kadrach bačna, jak žančyna-kiroŭca sprabuje razbudzić pasažyraŭ i prosić apłacić pajezdku. Paśla hetaha mužčyna raptam pačynaje źbivać taksistku, a paźniej da jaho dałučajecca i jaho spadarožnica. Na fonie pry hetym čuvać płač maleńkaha dziciaci. Miarkujučy pa videa, žančynu bili nie tolki rukami, ale i nahami — u tym liku pa tvary.
U vyniku kiroŭca atrymała surjoznyja traŭmy i apynułasia ŭ balnicy. Viadoma, što joj zrabili apieracyju. «Mianie praapieryravali, padniali voś hetuju kostku. Tak, u balnicy lažu», — raspaviała paciarpiełaja.
Kamientary
A na hora lekaraŭ, jakija nie ŭbačyli pierałomu, treba pisać zajavu va ŭpraŭleńnie achovy zdaroŭja, kab pryciahnuli da adkaznaści za nienaležnaje vykanańnie svaich słužbovych abaviazkaŭ.