Kala hihanckaha zubra na trasie M1 adkryjuć kaviarniu z tatarskaj kuchniaj
Kala viadomaj skulptury zubra na miažy Bresckaj i Minskaj abłaściej pabudujuć kaviarniu, dzie buduć častavać stravami biełaruska-tatarskaj kuchni. Prajekt źjaŭlajecca častkaj płana supracoŭnictva z rasijskim Tatarstanam.
Pra heta paviedamiła ahienctva BiełTA sa spasyłkaj na namieśnika staršyni Bresckaha abłvykankama Michaiła Bacenku. Inicyjatyva ŭvajšła ŭ płan mierapryjemstvaŭ na 2026‑2027 hady, jaki padpisali staršynia Bresckaha abłvykankama Piotr Parchomčyk i kiraŭnik Tatarstana Rustam Minichanaŭ.
Pavodle słoŭ čynoŭnika, prajekt źjaviŭsia ŭ adkaz na zapyty turystaŭ, jakija časta spyniajucca kala manumienta sfatahrafavacca i šukajuć miesca, dzie možna było b pierakusić. Płanujecca, što kaviarnia budzie stvorana sumiesna z adnoj z restarannych kampanij Kazani i atrymaje nazvu «Kryły družby».
«Budziem rabić tam stravy tatarskaj kuchni. Zadziejničajem ptuškafabryku «Družba», jakaja vyrablaje tyja ž kurynyja kryłcy, nožki. Biełaruskaja kuchnia budzie», — patłumačyŭ Bacenka. Jon dadaŭ, što eskizny prajekt užo raspracavany, ciapier vyrašajucca jurydyčnyja pytańni.
Jak my pisali raniej, źmieny zakranuć i samoha zubra. Kab zrabić skulpturu bolš efiektnaj, śpiecyjalisty pracujuć nad tym, kab z nozdraŭ vołata išła para. Miarkujecca, što chvala paru budzie dasiahać 5,5 mietra ŭ daŭžyniu pad vuhłom 45 hradusaŭ.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary