Каля гіганцкага зубра на трасе М1 адкрыюць кавярню з татарскай кухняй
Каля вядомай скульптуры зубра на мяжы Брэсцкай і Мінскай абласцей пабудуюць кавярню, дзе будуць частаваць стравамі беларуска-татарскай кухні. Праект з'яўляецца часткай плана супрацоўніцтва з расійскім Татарстанам.
Пра гэта паведаміла агенцтва БелТА са спасылкай на намесніка старшыні Брэсцкага аблвыканкама Міхаіла Бацэнку. Ініцыятыва ўвайшла ў план мерапрыемстваў на 2026‑2027 гады, які падпісалі старшыня Брэсцкага аблвыканкама Пётр Пархомчык і кіраўнік Татарстана Рустам Мініханаў.
Паводле слоў чыноўніка, праект з'явіўся ў адказ на запыты турыстаў, якія часта спыняюцца каля манумента сфатаграфавацца і шукаюць месца, дзе можна было б перакусіць. Плануецца, што кавярня будзе створана сумесна з адной з рэстаранных кампаній Казані і атрымае назву «Крылы дружбы».
«Будзем рабіць там стравы татарскай кухні. Задзейнічаем птушкафабрыку «Дружба», якая вырабляе тыя ж курыныя крылцы, ножкі. Беларуская кухня будзе», — патлумачыў Бацэнка. Ён дадаў, што эскізны праект ужо распрацаваны, цяпер вырашаюцца юрыдычныя пытанні.
Як мы пісалі раней, змены закрануць і самога зубра. Каб зрабіць скульптуру больш эфектнай, спецыялісты працуюць над тым, каб з ноздраў волата ішла пара. Мяркуецца, што хваля пару будзе дасягаць 5,5 метра ў даўжыню пад вуглом 45 градусаў.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары