У Польшчы беларускаму дальнабойшчыку пагражае турма — спрабаваў увезці экзатычных яшчарак
Незвычайны груз знайшлі 26 кастрычніка падчас праверкі фуры ў Карошчыне. Машына ўязджала ў Польшчу з Беларусі. У кабіне і абсталяванні паўпрычэпа былі схаваныя пластыкавыя каробкі і мяшкі з жывымі яшчаркамі.
За рулём знаходзіўся 41‑гадовы грамадзянін Беларусі. Ён расказаў, што замовіў рэптылій праз інтэрнэт у расійскага прадаўца. У Польшчы іх меўся забраць незнаёмы яму мужчына.
Паводле кіроўцы, ён збіраўся прадаць іх за 3000 еўра. Мытнікі ацанілі яшчарак на суму большую за 20 тысяч еўра.
Частка яшчарак належыць да відаў, якія ахоўваюцца міжнароднай канвенцыяй. Неабходных дакументаў на іх перавозку ў кіроўцы не было. За незаконны ўвоз яму можа пагражаць ад штрафу да пяці гадоў зняволення.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў106
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары