Emanuel Makron naŭprost papiaredziŭ Alaksandra Łukašenku pra nastupstvy ŭciahvańnia ŭ rasijskuju ahresiju. Heta pieršy viadomy telefonny kantakt palitykaŭ za bolš čym čatyry hady, jaki adbyŭsia na fonie abvastreńnia situacyi ŭ rehijonie i raźmiaščeńnia najnoŭšaj jadziernaj zbroi.
Padrabiaznaści telefonnaj razmovy pamiž Paryžam i Minskam apublikavała ahienctva Frans Pres (AFP). Žurnalisty sa spasyłkaj na ananimnuju krynicu ŭ atačeńni francuzskaha prezidenta paviedamili, što
Emanuel Makron vyrazna akreśliŭ ryzyki dla Biełarusi ŭ vypadku dalejšaha dazvołu ŭciahvać siabie ŭ rasijskuju vajnu. Akramia hetaha, lidar Francyi zaklikaŭ Alaksandra Łukašenku zrabić nieabchodnyja kroki dla palapšeńnia adnosin pamiž Biełaruśsiu i Jeŭropaj.
Heta pieršaja publična paćvierdžanaja razmova pamiž kiraŭnikami dźviuch dziaržaŭ ź lutaha 2022 hoda, kali rasijskija vojski vykarystali biełaruskuju terytoryju dla pačatku poŭnamaštabnaha ŭvarvańnia va Ukrainu. Aficyjny Minsk, u svaju čarhu, abmiežavaŭsia vielmi ścipłym paviedamleńniem. Pres-słužba biełaruskaha palityka paćvierdziła tolki sam fakt abmierkavańnia rehijanalnych prablem i toje, što inicyjataram zvanka vystupiŭ mienavita francuzski bok.
Jadziernyja vučeńni i rakiety na miažy z NATA
Dypłamatyčny krok Jelisiejskaha pałaca staŭ reakcyjaj na biesprecedentnaje vajennaje napružańnie apošnich tydniaŭ, na što asobna źviartajuć uvahu aŭtary anhłamoŭnaha artykuła. Jašče ŭ pačatku maja ŭkrainski prezident Uładzimir Zialenski zahadaŭ uzmacnić miažu ź Biełaruśsiu na poŭnačy, zajaviŭšy pra padrychtoŭku Maskvoj novaha nastupleńnia z hetaha kirunku, choć Kreml hetyja abvinavačvańni abvierh. Dalejšaja eskałacyja adbyłasia 18 maja, kali Rasija i Biełaruś praviali sumiesnyja jadziernyja vučeńni, što stała svojeasablivym adkazam na pavieličeńnie kolkaści ŭkrainskich napadaŭ bieśpiłotnikami pa rasijskaj terytoryi.
Ahienctva asabliva padkreślivaje hieapalityčnuju niebiaśpieku momantu: Biełaruś, jakaja miažuje z uschodnim fłanham NATA, ciapier stała miescam bazavańnia najnoŭšych rasijskich rakietnych kompleksaŭ «Arešnik», zdolnych nieści jadziernyja zarady.
Razmova prezidenta Francyi z Łukašenkam supała z čarhovym vitkom ahresii, bo akurat u niadzielu Rasija ŭžo ŭ treci raz za čas vajny vykarystała hetuju hipierhukavuju balistyčnuju rakietu padčas masavanaha ŭdaru, jaki prynios maštabnyja razbureńni ŭ Kijevie.
-
U try razy skaracili pieryjadyčnaść vychadu litaraturnych časopisaŭ. A samastojnaha LiMa ŭvohule nie budzie
-
Cichanoŭski iranizuje z žonki: Łukašenka dapamahaje joj i kłapocicca, navat kali była pahroza dzieciam, pieradali ŭsiu infarmacyju Polščy
-
Pryznali «ekstremisckimi» staronki ŭ sacsietkach Dzianisa Dudzinskaha
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś11
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Propahanda skažiet: viditie, kak nas bojaťsia.. Čto nie možiet nie byť pravdoj, vidno, čto jevropiejcy očień napuhany, čto dažie nie pobriezhovali hovoriť s tarakanom, kotoryj 3 %