Dziaržsakratar ZŠA, jaki znachodzicca ź vizitam u Indyi, zajaviŭ, što ŭ pieramoŭščykaŭ ZŠA i Irana «na stale lažyć davoli nadziejny varyjant», i što ŭ paniadziełak moža być dasiahnuta ździełka, jakaja pakładzie kaniec vajnie pamiž dźviuma krainami.
Raniej Donald Tramp paviedamiŭ, što daŭ ukazańnie pieramoŭščykam «nie śpiašacca z zaklučeńniem pahadnieńnia», choć da taho davaŭ zrazumieć, što ździełka ŭžo blizkaja, piša Bild.
Pa danych amierykanskaj presy, pahadnieńnie praduhledžvaje padaŭžeńnie pieramirja na 60 dzion, adkryćcio Armuzskaha praliva i płan dalejšych pieramoŭ ab iranskaj jadziernaj prahramie.
«My ŭsio jašče pracujem nad hetym. Jak ja ŭžo skazaŭ, my dumali, što ŭ nas mahli źjavicca naviny ŭčora ŭviečary. Mahčyma, siońnia, — zajaviŭ Rubia ŭ paniadziełak u Deli. — U nas jość, jak mnie zdajecca, davoli važki arhumient u płanie ich hatoŭnaści adkryć praliŭ».
Pry hetym Rubia paraiŭ «nie nadavać hetamu zanadta vialikaha značeńnia», bo «spatrebicca niekatory čas, kab atrymać adkaz ad Irana».
Kamientary