Cichanoŭskaja prakamientavała telefonnuju razmovu Makrona i Łukašenki
Śviatłana Cichanoŭskaja vykazałasia nakont telefonnaj razmovy prezidenta Francyi Emanuela Makrona z Alaksandram Łukašenkam, adznačyŭšy, što francuzski bok chacieŭ pieradać vyrazny sihnał datyčna vajny i jadziernaha šantažu.
Pavodle paviedamleńniaŭ pres-słužby Łukašenki, kantakt adbyŭsia pa inicyjatyvie francuzskaha boku. Palityki abmierkavali rehijanalnyja prablemy i ŭzajemaadnosiny Biełarusi ź ES. Hetyja pieramovy prajšli na fonie niadaŭnich rasijskich jadziernych vučeńniaŭ i sustrečy Uładzimira Zialenskaha ź lidarami Hiermanii, Francyi i Vialikabrytanii, dzie ŭ tym liku ŭzdymałasia biełaruskaje pytańnie.
Francyja pakul aficyjna nie paviedamlała detali i vyniki hetych pieramoŭ. Ofis Śviatłany Cichanoŭskaj apublikavaŭ nastupny kamientar:
«Hałoŭnaja meta — pieradać Łukašenku vyrazny sihnał pra niedapuščalnaść dalejšaha ŭciahvańnia Biełarusi ŭ vajnu, a taksama ŭdziełu ŭ jadziernym šantažy i stvareńni pahroz u rehijonie. Razam z tym, usie razumiejuć, što Łukašenka nie maje sapraŭdnaj samastojnaści, zaležyć ad Kramla i nie pradstaŭlaje biełaruski narod.
Apošnija miesiacy my bačym, što režym tolki ŭzmacniaje cisk na susiedziaŭ, praciahvajucca pravakacyi, hetaksama jak i represii suprać biełarusaŭ. My pavinny dabivacca sistemnych niezvarotnych demakratyčnych źmien u Biełarusi i sapraŭdnaha dyjałohu — dyjałohu ź biełaruskim hramadstvam».
Kamientary
[Zredahavana]