На мяжы з Украінай пачынаецца новы этап будаўніцтва вайсковага палігона
У Гомельскай вобласці ў непасрэднай блізкасці ад мяжы з Украінай рыхтуецца новы этап маштабнага будаўніцтва вайсковага аб’екта. Абвешчаны тэндар не змяшчае падрабязнай дакументацыі, аднак «Флагшток» ідэнтыфікаваў гэты праект як новы вайсковы палігон. Агулам на яго выдаткуюць 400 млн рублёў.
На мяжы з Украінай пачынаецца новы этап будаўніцтва вайсковага палігона
ААТ «Гомельскі домабудаўнічы камбінат» абвясціў буйны тэндар на суму амаль 65 млн 830 тыс. рублёў (больш за 22,3 млн долараў). Фармулёўка закупкі гучыць так: выбар субпадраднай арганізацыі на выкананне работ па будаўніцтве аб'екта «Будаўніцтва аб'екта ў Гомельскай вобласці. Інжынерна-транспартная інфраструктура».
Што за загадкавы аб'ект — не ўдакладняецца. Больш за тое, да тэндара не прымацавана ніякая дакументацыя. Але, як высветліў «Флагшток», менавіта Гомельскі ДБК займаецца будаўніцтвам вайсковага палігона ў Рэчыцкім раёне і называе яго ў закупках менавіта як «аб'ект», ствараючы сакрэтнасць вакол узвядзення палігона.
Тэрмінам пастаўкі паслуг пазначаны перыяд з 7 красавіка 2026 па 15 красавіка 2027 года.
Гэта значыць, што на працягу года субпадрадчык павінен узвесці інжынерна-транспартную інфраструктуру: дарогі, электра– і водазабеспячэнне, а таксама іншыя камунікацыі.
Як распавядаў «Флагшток», Дзяржаўнай інвестыцыйнай праграмай у 2026 годзе на будаўніцтва палігона выдзелена 15 млн руб., а ў 2027 і 2028 гадах яшчэ павінна быць выдзелена 150 млн і 245,7 млн адпаведна.
Палігон з'явіцца ў раёне станцыі «Якімаўка» ў Рэчыцкім раёне — зараз рыхтуецца пляцоўка пад яго будаўніцтва, там сякуць і карчуюць дрэвы.
Як відаць на спадарожнікавых здымках, у канцы сакавіка працягвалі сячы просекі. Ад станцыі да палігона бачна выдаленне дрэў на некалькі дзясяткаў метраў ад дарогі.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары