«Дарогу перайшлі тры зубры». Святар расказаў пра каляду, на якой «звяроў было больш за людзей»
Пробашч каталіцкай парафіі ў Росіцы Верхнядзвінскага раёна, вядомы прапаведнік айцец Аляксандр Жарнасек расказаў у сваім пабліку пра незвычайныя сустрэчы, заўважыла выданне Katolik.life.
Святар ішоў пешкі ў гарадскі пасёлак Асвея, каб здзейсніць традыцыйны калядны душпастырскі візіт да мясцовых вернікаў.
Па дарозе святар сустрэў адразу некалькі відаў лясных жывёл і сфатаграфаваў іх. Айцец Аляксандр напісаў з гумарам:
«Будні вясковага святара. Такой была каляда ў Асвеі. Тры зубры перайшлі мне дарогу пад Росіцай. Пасля былі чатыры ласі. Алень быў даволі блізка і для мяне гэта рэдкасць. Ну а казулі хадзілі брыгадамі — гэта норма. Карацей, дзікіх звяроў было яўна больш, чым людзей на калядзе».
Шлях ад Росіцы да Асвеі складае 27 кіламетраў. Дарога ідзе ўздоўж лесу, але на здымках відаць, што святар ішоў і ляснымі сцежкамі. Ён таксама падзяліўся замалёўкамі зімовай прыроды і здымкамі зруйнаваных будынкаў.
Заснежаныя вёскі, песні, народная набожнасць. Ксёндз з Дзятлава ходзіць у сваёй парафіі «па Калядзе»
Незвычайная кампазіцыя ў цэнтры Варшавы аб'яднала тры народы. На сваю фігуру беларусы сабралі грошы самі
Як у апошнія дні з размахам пакалядавалі беларусы па ўсёй краіне ВІДЭА
Калядная крама, якую закрылі па даносе прапагандыстаў, адкрылася зноў. Але шары ў ёй ужо іншыя
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары