Пераможца дзіцячага «Еўрабачання-2005» Ксенія Сітнік у навагоднюю ноч прадэманстравала ў інстаграме шматзначнае фота.
Ксенія выклала вялікі допіс і дадала шмат здымкаў. Зроблены яны былі на тайландскім востраве Ко Пханган.
У падборцы ёсць і фота будысцкага храма, і здымкі ў купальніку, і відэа, на якіх Ксенія катаецца на арэлях ці прагульваецца па пляжы ў кампаніі мужчыны. Сярод іншага можна пабачыць і здымак, на якім дзяўчына дэманструе на персцянцы пярсцёнак з вялікім дыяментам, які выглядае як заручальны.
Сам жа допіс прысвечаны таму, што пужаць можа не толькі гора, але і шчасце: «Страшна проста ўзяць і яго сабе дазволіць, учапіўшыся кіпцюрамі, задушыць у абдымках, без цяжкай няёмкасці, што здабыта незаконна. Даводзіцца вартаваць, як кантрабанду: хаваць, аглядацца, не распакоўваць пры іншых. Цягнуць чамаданы з дастаткам скрозь будні ўпотай, баючыся, што ўсякі шоргат выдасць з вантробамі і абернецца канфіскацыяй».
Але заканчвае Ксенія фразай: «Будзем бессаромна прысвойваць сабе самае лепшае!»
Хто ж абраннік беларускай зоркі? Яна не асабліва паказвае свайго каханага. Але па тату мужчыны, якія трапляюць у кадр час ад часу, нескладана здагадацца, пра каго ідзе гаворка. Ён таксама жыве ў Празе. У акаўнце пазначана, што мужчына звязаны з кампаніяй, якая займаецца праектаваннем і будаваннем прыватных дамоў, і кампаніяй, якая вырошчвае бансай.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары