Прапанову Меліціне Станюце абраннік зрабіў на дзвюх мовах: адна з іх — беларуская
Шматразовая медалістка чэмпіянатаў свету па мастацкай гімнастыцы Меліціна Станюта не раскрывае імя свайго жаніха, але адкрыла некаторыя новыя дэталі.
Шчаслівая Станюта напісала ў інстаграме, што хоча падзяліцца некаторымі фактамі.
«У нас аднолькавы знак задыяку — Скарпіён;
у нас 371 дзень розніцы ва ўзросце (ён старэйшы);
ён брэтонец (поўнач Францыі);
у нас аднолькавая марка машыны (супадзенне);
ён валодае 4 мовамі, я — пяццю».
«І ён зрабіў прапанову на дзвюх мовах: спачатку спытаў па-французску, а потым — па-беларуску! Прыемна, што француз зрабіў прапанову мне не толькі на сваёй мове, але і вывучыў на беларускай мове», — дадала яна.
Меліціна адказала хлопцу «Oui» — «так» па-французску.
Прапанову абраннік зрабіў ёй у Празе падчас сюрпрызу— вандроўкі — гімнастка да апошняга не ведала, куды едзе, ёй проста сказалі спакаваць валізку. Меліціна думала, што гэта будзе зімовае каляднае падарожжа.
У 2020 годзе выбітная спартоўка падпісала ліст за новыя сумленныя выбары і супраць гвалту і была вымушаная эміграваць. Сёння яна трэніруе дзяцей па ўсім свеце і жыве ў Францыі.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары
Можа вы ўяўляеце сабе нейкую іншую Беларусь, якая адрозніваецца ад існуючай, таксама як па БТ паказваюць нейкую квітнеючую краіну - там у яе назва таксама Беларусь.