Prapanovu Mielicinie Staniucie abrańnik zrabiŭ na dźviuch movach: adna ź ich — biełaruskaja
Šmatrazovaja miedalistka čempijanataŭ śvietu pa mastackaj himnastycy Mielicina Staniuta nie raskryvaje imia svajho žanicha, ale adkryła niekatoryja novyja detali.
Ščaślivaja Staniuta napisała ŭ instahramie, što choča padzialicca niekatorymi faktami.
«U nas adnolkavy znak zadyjaku — Skarpijon;
u nas 371 dzień roźnicy va ŭzroście (jon starejšy);
jon bretoniec (poŭnač Francyi);
u nas adnolkavaja marka mašyny (supadzieńnie);
jon vałodaje 4 movami, ja — piaćciu».
«I jon zrabiŭ prapanovu na dźviuch movach: spačatku spytaŭ pa-francuzsku, a potym — pa-biełarusku! Pryjemna, što francuz zrabiŭ prapanovu mnie nie tolki na svajoj movie, ale i vyvučyŭ na biełaruskaj movie», — dadała jana.
Mielicina adkazała chłopcu «Oui» — «tak» pa-francuzsku.
Prapanovu abrańnik zrabiŭ joj u Prazie padčas siurpryzu— vandroŭki — himnastka da apošniaha nie viedała, kudy jedzie, joj prosta skazali spakavać valizku. Mielicina dumała, što heta budzie zimovaje kaladnaje padarožža.
U 2020 hodzie vybitnaja spartoŭka padpisała list za novyja sumlennyja vybary i suprać hvałtu i była vymušanaja emihravać. Siońnia jana treniruje dziaciej pa ŭsim śviecie i žyvie ŭ Francyi.
Ciapier čytajuć
«Dahetul zadajusia pytańniem, čym Pratasievič mianie začaravaŭ». Vialikaje intervju Sofji Sapiehi — častka druhaja2
Kamientary
Moža vy ŭjaŭlajecie sabie niejkuju inšuju Biełaruś, jakaja adroźnivajecca ad isnujučaj, taksama jak pa BT pakazvajuć niejkuju kvitniejučuju krainu - tam u jaje nazva taksama Biełaruś.